മറ്റ് മതങ്ങളെ നാം കണ്ടു പഠിക്കണം. അവരുടെ ആചാരങ്ങളെയോ ദൈവങ്ങളെയോ കുറിച്ച് പറയാൻ ആരും ധൗര്യം കാണിക്കില്ല. ഏറ്റവും കുറഞ്ഞത് അങ്ങനെയെങ്കിലും നാം മുന്നോട്ടു പോവണമെന്നും ആർക്കും എന്തും പറയാൻ സാധിക്കുന്ന രാജ്യമാണ് ഇന്ത്യ, അതാണ് ഇന്ത്യയുടെ ഭംഗിയെന്നും അദ്ദേഹം പറഞ്ഞു.
ഇനിയെങ്കിലും ഇത്തരം വിഷയങ്ങളിൽ നിങ്ങൾ പ്രതികരിക്കണം. വിഷമം തോന്നിയെന്നെങ്കിലും പറയണം. അതൊരു ഓർമ്മപ്പെടുത്തലാവുമെന്നും ഉണ്ണി മുകുന്ദൻ പറഞ്ഞു. വിഘ്നങ്ങളെല്ലാം ശരിയാക്കിത്തരണേ എന്നു പറയാനാണ് ഇവിടെ ക്ഷേത്രത്തിൽവന്നു പ്രാർഥിക്കുന്നത്. ഗണപതിയില്ലെന്ന് ആരെങ്കിലും പറയുമ്പോൾ ഗണപതിക്കു വേണ്ടിയെങ്കിലും നമ്മൾ സംസാരിക്കണം. ദൈവം ഉണ്ടോ എന്ന് പലയാളുകളും പല സാഹചര്യത്തിലും ചോദിക്കുന്നുണ്ട്. ദൈവം ഇവിടെയുണ്ടോ എന്നു ചോദിച്ചാൽ നമുക്ക് അറിയില്ല. തൂണിലും തുരുമ്പിലും ഹനുമാൻ സ്വാമി ഉണ്ടെന്നു പറഞ്ഞാൽ സാങ്കേതിക വിദ്യയുടെ ഇക്കാലത്ത് പലർക്കും ചിരിവരും എന്നതാണ് യാഥാർഥ്യം.
ജീവിതത്തിൽ എന്തെങ്കിലും ബുദ്ധിമുട്ട് വരുമ്പോൾ, ആരെങ്കിലും സഹായിക്കാൻ വരുമെന്നും അതിൽ നിന്നും പുറത്തുകടക്കാൻ പറ്റുമെന്നും പറയാനുള്ള സങ്കൽപമാണ് ദൈവം. ആ ബോധം നമുക്ക് എല്ലാവർക്കും ഉണ്ടാകണമെന്നു പ്രാർഥിക്കുകയാണ്. നമ്മുടെ ആചാരങ്ങളെക്കുറിച്ചും ദൈവങ്ങളെപ്പറ്റി പറയുമ്പോൾ സംസാരിക്കാൻ മടിക്കരുത്. അതിന് ചങ്കൂറ്റം ആവശ്യമില്ല. പ്രതികരിക്കാനായി നിങ്ങൾ ആർജവത്തോടെ മുന്നോട്ടു വരണമെന്നും ഉണ്ണി മുകുന്ദൻ വേദിയിൽ പറഞ്ഞു.
