മുംബൈ: കോവിഡ് മഹാമാരിയുടെ പശ്ചാത്തലത്തില് നിര്ത്തലാക്കിയ ഇന്ത്യയില് നിന്നുള്ള രാജ്യാന്തര വിമാന സര്വീസുകള് ഏപ്രില് മുതല് പുനരാരംഭിച്ചേക്കുമെന്ന് റിപ്പോര്ട്ട്.23 മാസമായി നിര്ത്തലാക്കിയിരുന്ന രാജ്യാന്തര വിമാന സര്വീസ് മാര്ച്ച് അല്ലെങ്കില് ഏപ്രിലോടെ പുനസ്ഥാപിക്കുമെന്ന് ദേശീയ മാധ്യമങ്ങള് റിപ്പോര്ട്ട് ചെയ്തു. കഴിഞ്ഞവര്ഷം ഡിസംബര് 15 മുതല് രാജ്യാന്തര വിമാന സര്വീസുകള് പുരാരംഭിക്കാന് ഇന്ത്യ ആലോചിച്ചിരുന്നെങ്കിലും ഒമിക്രോണ് വകഭേദത്തിന്റെ പശ്ചാത്തലത്തില് നിരോധനം ജനുവരി 31 വരെയും പിന്നീട് കേസുകളുടെ എണ്ണം വര്ധിച്ചതോടെ 2022 ഫെബ്രുവരി 28 വരെയും നീട്ടുകയായിരുന്നു.നിലവില് വിവിധ രാജ്യങ്ങളുമായി ഏര്പ്പെട്ട എയര് ബബ്ള് കരാറുകളുടെ അടിസ്ഥാനത്തിലാണ് രാജ്യാന്തര വിമാന സര്വീസുകള് നടത്തുന്നത്. നിലവില്, യുകെ, അമേരിക്കയടക്കമുള്ള 34 രാജ്യങ്ങളുമായി ഇന്ത്യ എയര് ബബ്ള് കരാറില് ഏര്പ്പെട്ടിട്ടുണ്ട്.
റിപ്പോര്ട്ട്
ന്യൂസ് ഡെസ്ക്
