കോഴിക്കോട്: കോഴിക്കോട് മുക്കത്ത് 13 കാരിയെ പീഡിപ്പിച്ച രണ്ടാനച്ഛനും മാതാവും അടക്കം 8 പേര് കുറ്റക്കാരാണെന്ന് കോടതി. മാതാവിന് 7 വര്ഷവും, രണ്ടാനച്ചനും മറ്റ് ആറ് പ്രതികള്ക്കും 10 വര്ഷം വീതം തടവ് ശിക്ഷയും വിധിച്ചു.കോഴിക്കോട് അതിവേഗ കോടതി ജഡ്ജി ശ്യാംലാലാണ് കേസില് വിധി പ്രസ്താവിച്ചത്.രണ്ട് പ്രതികളെ കോടതി വെറുതേവിട്ടു.
2006 -07 കാലഘട്ടത്തിലാണ് കേസിനാസ്പദമായ സംഭവമുണ്ടായത് . 13 വയസുകാരിയായ പെണ്കുട്ടിയെ മാതാവിന്റെ സഹായത്തോടെ രണ്ടാനച്ഛന് പീഡിപ്പിക്കുകയും മറ്റുപ്രതികള്ക്ക് കൈമാറുകയും ചെയ്തെന്നാണ് കേസ്. പ്രതികളെ പിടികൂടിയെങ്കിലും പലതവണ പ്രോസിക്യൂട്ടര്മാരെ മാറ്റിയതും പ്രതികള് ഹൈക്കോടതിയെ സമീപിച്ചതും കേസില് കാലതാമസത്തിനിടയാക്കി. ഒടുവില് 14 വര്ഷത്തിനു ശേഷമാണ് കോഴിക്കോട് അതിവേഗ കോടതി കേസില് വിധി പറഞ്ഞത്.
