കൊച്ചി: ബി.ജെ.പിയില് ചേരുമെന്ന് സ്ഥിരീകരിച്ച് ഡി.എം.ആര്.സി ചെയര്മാന് ഇ. ശ്രീധരന്. പാര്ട്ടി ആവശ്യപ്പെട്ടാല് നിയമസഭാ തെരഞ്ഞെടുപ്പില് മത്സരിക്കുമെന്നും അദ്ദേഹം പറഞ്ഞു. വ്യാഴാഴ്ച (18/02/21) ഒരു സ്വകാര്യ ചാനലിനോടായിരുന്നു അദ്ദേഹത്തിന്റെ പ്രതികരണം.
ഒമ്പത് വര്ഷത്തെ അനുഭവത്തിന്റെ വെളിച്ചത്തിലാണ് രാഷ്ട്രീയ പ്രവേശനം. കേരളത്തില് ഒന്നും നടക്കുന്നില്ല. ഇവിടെ നീതി ഉറപ്പാക്കാന് ബി.ജെ.പി അധികാരത്തില് വരണമെന്നും ശ്രീധരന് പറഞ്ഞു. ബി.ജെ.പി സംസ്ഥാന അധ്യക്ഷന് കെ. സുരേന്ദ്രനാണ് ഇ. ശ്രീധരന് പാര്ട്ടിയില് ചേരുന്നുവെന്ന് അറിയിച്ചത്. ബി.ജെ.പിയുടെ വിജയയാത്രാ വേളയില് പാര്ട്ടിയില് ചേരുമെന്നാണ് സുരേന്ദ്രന് അറിയിച്ചത്.
