ന്യൂഡൽഹി: ഭാരത് ബയോടെക്കിന്റെ കൊറോണ വൈറസ് വാക്സിനായ ‘കോവാക്സിൻ’ ട്രയൽ 12 വയസ്സിന് മുകളിലുള്ള കുട്ടികൾക്ക് നടത്താൻ ഡ്രഗ്സ് കൺട്രോളർ ജനറൽ ഓഫ് ഇന്ത്യ (ഡിസിജിഐ) അംഗീകാരം നൽകി.
ഘട്ടം 1, 2 പരീക്ഷണങ്ങളിൽ 12 വയസ്സിനു മുകളിലുള്ള കുട്ടികളിൽ വാക്സിൻ ഇതിനകം ഉപയോഗിച്ചിട്ടുണ്ട്, ഇത് സുരക്ഷിതമാണെന്ന് കണ്ടെത്തിയിരുന്നു.
ഹൈദരാബാദ് ആസ്ഥാനമായുള്ള ഭാരത് ബയോട്ടക്ക് മൂന്നാം ഘട്ട പരീക്ഷണങ്ങൾ നടത്തിവരികയാണ്. വാക്സിൻ ഇന്ത്യയിലെ അവസാനഘട്ട ക്ലിനിക്കൽ പരീക്ഷണങ്ങൾ ഇതുവരെ പൂർത്തിയാക്കിയിട്ടില്ല.
പൂനെ ആസ്ഥാനമായുള്ള സെറം ഇൻസ്റ്റിറ്റ്യൂട്ട് ഓഫ് ഇന്ത്യ (എസ്ഐഐ) നിർമ്മിക്കുന്ന ഓക്സ്ഫോർഡ്-അസ്ട്രസെനെക കൊറോണ വൈറസ് വാക്സിനായ കോവിഷീൽഡിന് 18 വയസ്സിന് മുകളിലുള്ളവർക്ക് അംഗീകാരം നൽകിയിരുന്നു.
അടിയന്തിര സാഹചര്യങ്ങളിൽ നിയന്ത്രിത ഉപയോഗത്തിനായി ഓക്സ്ഫോർഡ്-അസ്ട്രസെനെക്ക, ഭാരത് ബയോടെക് കൊറോണ വൈറസ് വാക്സിനുകൾക്ക് ഡിസിജിഐ അന്തിമ അനുമതി നൽകിയിട്ടുണ്ട്.
