കണ്ണൂര് ഡിസംബര് 28: പൗരത്വ ഭേദഗതി ബില്ലിനെ അനുകൂലിച്ച് പരസ്യമായി പ്രസ്താവന നടത്തിയ ഗവര്ണര് ആരിഫ് മുഹമ്മദ് ഖാനെതിരെ ശക്തമായി പ്രതിഷേധിക്കുമെന്ന് വിവിധ സംഘടന നേതാക്കള് അറിയിച്ചു. ദേശീയ ചരിത്ര കോണ്ഗ്രസില് പങ്കെടുക്കാന് കണ്ണൂരിലെത്തിയ ഗവര്ണര്ക്കെതിരെ വിദ്യാര്ത്ഥി സംഘടനകളുടെ പ്രതിഷേധത്തിന് സാധ്യത.
പ്രതിഷേധം നടത്തരുതെന്ന് വിദ്യാര്ത്ഥി സംഘടനകള്ക്ക് ജില്ലാ പോലീസ് മേധാവി താക്കീത് നല്കി. നിയമ ലംഘനമോ അക്രമസംഭവങ്ങളോ ഉണ്ടായാല് കര്ശന നിയമ നടപടി സ്വീകരിക്കുമെന്നും അദ്ദേഹം വ്യക്തമാക്കി. ഗവര്ണര് പങ്കെടുക്കുന്നതില് പ്രതിഷേധിച്ച് കെ സുധാകരന് എംപിയും കണ്ണൂര് കോര്പ്പറേഷന് മേയറും ചരിത്ര കോണ്ഗ്രസില് നിന്ന് വിട്ട് നില്ക്കുമെന്ന് അറിയിച്ചു.
