ശബരിമല: ശബരിമലയില് തീര്ത്ഥാടകരുടെ വന് തിരക്ക്. പതിനെട്ടാംപടി കയറാനുള്ള നിര ശരംകുത്തി വരെ നീളുകയാണ്. അയ്യപ്പന്മാര് കൂട്ടത്തോടെ എത്തിയതോടെ ആറു മണിക്കൂര് വരെ കാത്തു നിന്നാണ് അയ്യപ്പന്മാര് ദര്ശനം നടത്തുന്നത്. മാസപൂജാ സമയത്ത് ഇത്രയും തിരക്കു വരുന്നത് ആദ്യമാണ്. ഒരു മിനിറ്റില് പരമാവധി 50 മുതല് 52 പേര് വരെയാണ് പടികയറുന്നത്. ഇതിനിടെ നടപ്പന്തലില് വരി നില്ക്കാതെ പതിനെട്ടാംപടിക്കു താഴെ ബാരിക്കേഡിനു പുറത്ത് തിക്കും തിരക്കും കൂട്ടുന്നവരും ഏറെയാണ്.
മിനിറ്റില് 85 മുതല് 90 പേരെ വരെ പതിനെട്ടാംപടി കയറ്റിയാലേ തിരക്കു കുറയ്ക്കാന് കഴിയൂ
വാവരു നട, അഴിയുടെ ഭാഗം, മഹാ കാണിക്ക എന്നിവിടങ്ങളിലാണ് നിയന്ത്രണമില്ലാതെ തിക്കും തിരക്കും കൂട്ടുന്നത്. തിരക്കു നിയന്ത്രിക്കാന് മതിയായ പൊലീസില്ല. 170 പൊലീസുകാരാണ് ആകെയുള്ളത്. മൂന്ന് ഷിഫ്റ്റായിട്ടാണ് ഇവര്ക്ക് ഡ്യൂട്ടി. മിനിറ്റില് 85 മുതല് 90 പേരെ വരെ പതിനെട്ടാംപടി കയറ്റിയാലേ തിരക്കു കുറയ്ക്കാന് കഴിയൂ. പൊലീസിന് അതിനു കഴിയുന്നില്ല.
സന്നിധാനത്ത് താമസ സൗകര്യം കുറവാണ്,
പതിനെട്ടാംപടി കയറാന് മണിക്കൂറുകള് കാത്തു നില്ക്കുന്ന തീര്ഥാടകര്ക്ക് ചുക്കു വെള്ളം കൊടുക്കാന് വലിയ നടപ്പന്തലില് മാത്രമാണ് ദേവസ്വം ബോര്ഡ് ക്രമീകരണം ചെയ്തിട്ടുള്ളത്. സന്നിധാനത്തിലെ ശബരി ഗസ്റ്റ് ഹൗസ്, സ്റ്റാഫ് ക്വാര്ട്ടേഴ്സ്, പില്ഗ്രീം സെന്ററുകള് എന്നിവയില് തീര്ഥാടന അറ്റകുറ്റപ്പണികള് നടക്കുന്നതിനാല് സന്നിധാനത്ത് താമസ സൗകര്യവും കുറവാണ്, മഴയും ഉണ്ട്.
