കൊച്ചി: എഴുത്തുകാരനും ആക്ടിവിസ്റ്റുമായ സിവിക് ചന്ദ്രന് ഹൈക്കോടതിയുടെ നോട്ടീസ്. ദലിത് യുവതിയെ പീഡിപ്പിച്ചെന്ന പരാതിയില് കൊയിലാണ്ടി പൊലീസ് രജിസ്റ്റര് ചെയ്ത കേസില് ജാമ്യം നല്കിയത് ചോദ്യം ചെയ്തുള്ള അതിജീവിതയുടെ ഹര്ജിയിലാണ് കോടതി നോട്ടീസ് അയച്ചത്.
അച്ഛന് മരിച്ചതിനാലും മാനസിക സമ്മര്ദ്ദം നേരിടുന്നതിനാലുമാണ് പരാതി നല്കാന് വൈകിയത്. ദളിത് യുവതിയാണ് താനെന്ന് അറിഞ്ഞു തന്നെയാണ് സിവിക് ചന്ദ്രന് ലൈംഗിക പീഡനം നടത്തിയത്. പട്ടിക ജാതി വിഭാഗങ്ങള്ക്കെതിരായ അതിക്രമം തടയല് നിയമത്തിന് വിരുദ്ധമാണ് ജാമ്യം അനുവദിച്ച കീഴ്കോടതി ഉത്തരവെന്നും ഹര്ജിക്കാരി കോടതിയെ അറിയിച്ചു. മുന്കൂര് ജാമ്യം അനുവദിച്ച കോഴിക്കോട് സെഷന്സ് കോടതി ഉത്തരവില് നിയമവിരുദ്ധ പരാമര്ശങ്ങളുണ്ടെന്നും പരാതിക്കാരി ചൂണ്ടിക്കാണിച്ചു. അതിജീവിത നല്കിയ അപ്പീലില് കോടതി വിശദീകരണം തേടി. ഹര്ജി ഇനി പരിഗണിക്കുമ്പോള് ഇക്കാര്യത്തില് വിശദീകരണം നല്കാന് കോടതി സര്ക്കാരിനോട് നിര്ദേശിച്ചു.ലൈംഗിക പീഡന കേസില് സിവിക് ചന്ദ്രന്റെ ജാമ്യം റദ്ദാക്കണമെന്ന് ആവശ്യപ്പെട്ട് സര്ക്കാരും ഹൈക്കോടതിയെ സമീപിച്ചിട്ടുണ്ട്. സെഷന്സ് കോടതി ഉത്തരവ് പട്ടികജാതി പട്ടികവര്ഗ വിഭാഗങ്ങള്ക്കെതിരായ അതിക്രമങ്ങള് തടയുന്ന നിയമത്തിന് എതിരാണെന്നും സത്യം പുറത്തുകൊണ്ടുവരാന് പ്രതിയെ കസ്റ്റഡിയിലെടുക്കേണ്ടതുണ്ടെന്നും സര്ക്കാര് വ്യക്തമാക്കിയിട്ടുണ്ട്.
