മാണ്ഡ്യ: കർണാടകയിലെ മാണ്ഡ്യക്കു സമീപം കാരെക്കട്ടെ ഗ്രാമത്തിലെ കെമിക്കൽ ഫാക്ടറിയിലുണ്ടായ സ് ഫോടനത്തിൽ രണ്ടു പേർ മരിച്ചു. ഫാക്ടറിയിലെ കെമിക്കൽ സ്റ്റോറേജ് ടാങ്കിലായിരുന്നു സ്ഫോടനമുണ്ടായത്. നാലു പേർക്കു പരിക്കേറ്റു. ഇവരെ മാണ്ഡ്യ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസിൽ പ്രവേശിപ്പിച്ചു.
ഫാക്ടറി മാറ്റിസ്ഥാപിക്കുന്നതു നടന്നുവരികയായിരുന്നു. ഫാക്ടറിക്കെതിരേ നാട്ടുകാർ എതിർപ്പുയർത്തിയിരുന്നു. 2022ൽ വിഷവാതകച്ചോർച്ചയിൽ വ്യാപകമായി കൃഷി നശിച്ചിരുന്നു.
