വാഷിങ്ടണ്: വിദേശരാജ്യങ്ങള്ക്കുമേല് ചുമത്തിയ മിക്ക തീരുവകളും നിയമവിരുദ്ധമാണെന്ന അപ്പീല്കോടതി വിധിക്കെതിരേ ട്രംപ് ഭരണകൂടം സുപ്രീംകോടതിയെ സമീപിച്ചു.അപ്പീലില് ഇന്ത്യക്കെതിരേ ചുമത്തിയ അധികതീരുവയെക്കുറിച്ചും പരാമര്ശമുണ്ട്. റഷ്യ-യുക്രൈന് യുദ്ധം അവസാനിപ്പിക്കാനുള്ള നിര്ണായക ശ്രമങ്ങളുടെ ഭാഗമായാണ് ഇന്ത്യയ്ക്കുമേല് തീരുവ ചുമത്തിയതെന്നാണ് അപ്പീലില് പറയുന്നത്. റഷ്യയില്നിന്ന് എണ്ണ വാങ്ങുന്നതിനാലാണ് ഇന്ത്യക്കെതിരേ അടുത്തിടെ അന്താരാഷ്ട്ര അടിയന്തര സാമ്പത്തികാധികാര നിയമം (ഐഇഇപിഎ) ഉപയോഗിച്ച് തീരുവ ചുമത്തിയത്. ഇത് യുദ്ധത്താല് തകര്ന്ന യുക്രൈനില് സമാധാനം പുനഃസ്ഥാപിക്കാനുള്ള ശ്രമങ്ങളുടെ ഭാഗമാണെന്നും അപ്പീലില് പറയുന്നു.
തീരുവകളുള്ളതിനാലാണ് അമേരിക്ക ഒരു സമ്പന്നരാഷ്ട്രമായിരിക്കുന്നത്.
വിവിധരാജ്യങ്ങള്ക്കുമേല് ചുമത്തിയ തീരുവകളെ ന്യായീകരിച്ചാണ് ട്രംപ് ഭരണകൂടം സുപ്രീംകോടതിയില് അപ്പീല് സമര്പ്പിച്ചത്. തീരുവകളുള്ളതിനാല് അമേരിക്ക ഒരു സമ്പന്നരാഷ്ട്രമാണ്. അല്ലെങ്കില് ഇത് ഒരു ദരിദ്രരാഷ്ട്രമാകുമെന്നും അപ്പീലിലുണ്ട്.ദിവസങ്ങള്ക്ക് മുന്പാണ് ട്രംപിന്റെ തീരുവകള് നിയമവിരുദ്ധമാണെന്ന് വാഷിങ്ടണിലെ ഫെഡറല് സര്ക്കീറ്റ് അപ്പീല് കോടതി കണ്ടെത്തിയത്. അന്താരാഷ്ട്ര അടിയന്തര സാമ്പത്തികാധികാര നിയമം (ഐഇഇപിഎ) ഉപയോഗിച്ച് ട്രംപ് ചുമത്തിയ തീരുവകള് നിയമവിരുദ്ധമാണെന്നാ യിരുന്നു കോടതിവിധി. ഏഴു ജഡ്ജിമാര് വിധിയെ അനുകൂലിച്ചപ്പോള് നാലുപേര് എതിര്ത്തു.
