ഷിങ്ടണ് | ഇറാന് നിരുപാധികമായി കീഴടങ്ങണമെന്ന ഭീഷണിയുമായി യുഎസ് പ്രസിഡന്റ് ഡൊണാള്ഡ് ട്രംപ്. നിരുപാധിക കീഴടങ്ങല് ആവശ്യപ്പെട്ട ട്രംപ് ഇറാന്റെ പരമോന്നത നേതാവ് ആയത്തുല്ല ഖമനയി എവിടെയാണുള്ളതെന്ന് അറിയാമെന്നും ഇപ്പോള് അദ്ദേഹത്തെ ഇല്ലാതാക്കാന് ഉദ്ദേശിക്കുന്നില്ലെന്നും സാമൂഹിക മാധ്യമമായ ട്രൂത്ത് സോഷ്യലിൽ കുറിച്ചു. .
ഞങ്ങളുടെ ക്ഷമ തീര്ന്നുകൊണ്ടിരിക്കുന്നു- ട്രംപ് കുറിച്ചു.
സുപ്രീം ലീഡര് എന്ന് വിളിക്കപ്പെടുന്ന ആള് എവിടെ ഒളിച്ചിരിക്കുന്നു എന്ന് ഞങ്ങള്ക്ക് കൃത്യമായി അറിയാം. അദ്ദേഹം ഒരു എളുപ്പമുള്ള ലക്ഷ്യമാണ്, എന്നാല് അവിടെ സുരക്ഷിതനാണ്.- അയാളെ ഇല്ലാതാക്കാന് ഞങ്ങള് ഉദ്ദേശിക്കുന്നില്ല . തത്കാലം ഇപ്പോള് വേണ്ട. എന്നാല് സാധാരണക്കാരെയും അമേരിക്കന് സൈനികരെയും മിസൈലുകള് ലക്ഷ്യമിടുന്നത് ഞങ്ങള് ആഗ്രഹിക്കുന്നില്ല. ഞങ്ങളുടെ ക്ഷമ തീര്ന്നുകൊണ്ടിരിക്കുന്നു- ട്രംപ് കുറിച്ചു.
യുദ്ധത്തില് അമേരിക്ക കക്ഷി ചേര്ന്നുവെന്നുവേണം ട്രംപിന്റെ പ്രതികരണത്തെ കാണുവാൻ
ഇപ്പോള് ഞങ്ങള്ക്ക് ഇറാന്റെ ആകാശത്തിന്മേല് പൂര്ണ്ണവും സമ്പൂര്ണ്ണവുമായ നിയന്ത്രണമുണ്ട്. ഇറാന് നല്ല സ്കൈ ട്രാക്കറുകളും മറ്റ് പ്രതിരോധ ഉപകരണങ്ങളും ധാരാളമായി ഉണ്ടായിരുന്നു, എന്നാല് അത് അമേരിക്ക നിര്മിച്ചവയേക്കാള് മികച്ചതല്ലെന്നും ട്രംപ് അവകാശപ്പെട്ടു. അതേ സമയം യുദ്ധത്തില് അമേരിക്ക കക്ഷി ചേര്ന്നുവെന്നുവേണം ട്രംപിന്റെ പ്രതികരണത്തെ കാണുവാന് .
