കണ്ണൂർ: കണ്ണൂർ എ ഡി എം ആയിരുന്ന നവീൻ ബാബു തസ്തികയിൽ ജോലി ചെയ്തിരുന്ന ഘട്ടത്തിൽ നവീൻ ബാബുവിനെതിരെ സർക്കാരിന് പരാതികൾ ലഭിച്ചതായി റവന്യൂ സെക്രട്ടറിയുടെ ഓഫീസ് ഫയലിൽ രേഖപ്പെടുത്തി കാണുന്നുണ്ടോയെന്ന വിവരാവകാശ നിയമപ്രകാരമുള്ള ചോദ്യത്തിന് പരാതികൾ ഒന്നും തന്നെ ലഭ്യമായിട്ടില്ലെന്ന് വ്യക്തമാക്കുന്ന വിവരാവകാശ രേഖ പുറത്ത് വന്നു .
പൊതു പ്രവർത്തകനും ഹൈക്കോടതി അഭിഭാഷകനുമായ അഡ്വ . കുളത്തൂർ ജയ്‌സിങ് ആണ് നവീൻ ബാബുവിനെതിരെ പരാതികൾ സർക്കാരിന് ലഭിച്ചതായി റവന്യൂ സെക്രട്ടറിയുടെ ഓഫീസിൽ രേഖപ്പെടുത്തി കാണുന്നുണ്ടോയെന്ന വിവരത്തിനായി വിവരാവകാശ അപേക്ഷ സമർപ്പിച്ചിരുന്നത് . മറുപടിയിൽ പരാതികൾ ഒന്നും ലഭ്യമായിട്ടില്ലെന്ന വിവരമാണ് റവന്യൂ സെക്രട്ടറിയുടെ ഓഫീസ് നൽകിയിരിക്കുന്നത് .
