തിരുവനന്തപുരം: സംസ്ഥാന ചലച്ചിത്ര അക്കാദമി ഡിസംബര് 9 മുതല് 16 വരെ തിരുവനന്തപുരത്ത് സംഘടിപ്പിക്കുന്ന 27ാമത് ഐ.എഫ്.എഫ്.കെയുടെ ഡെലിഗേറ്റ് രജിസ്ട്രേഷന് ഇന്നു രാവിലെ 10 ന് ആരംഭിക്കും. ന്ദന്ദന്ദ.ദ്ധക്ഷക്ഷസ.ദ്ധി എന്ന വെബ്സൈറ്റില് നല്കിയിട്ടുള്ള ലിങ്കിലൂടെ ഡെലിഗേറ്റ് രജിസ്ട്രേഷന് നടത്താം.പൊതുവിഭാഗത്തിന് 1000 രൂപയും വിദ്യാര്ഥികള്ക്ക് 500 രൂപയുമാണ് ഡെലിഗേറ്റ് ഫീസ്. മേളയുടെ മുഖ്യവേദിയായ ടാഗോര് തിയേറ്ററില് സജ്ജീകരിച്ചിട്ടുള്ള ഡെലിഗേറ്റ് സെല് മുഖേന നേരിട്ടും രജിസ്ട്രേഷന് നടത്താം.
എട്ടു ദിവസങ്ങളിലായി നടക്കുന്ന മേളയില് വിവിധ രാജ്യങ്ങളില്നിന്നുള്ള 180 ഓളം ചിത്രങ്ങള് പ്രദര്ശിപ്പിക്കും. സംവിധായകരും സാങ്കേതിക പ്രവര്ത്തകരും ജൂറി അംഗങ്ങളുമുള്പ്പെടെ വിവിധ വിദേശരാജ്യങ്ങളില്നിന്നുള്ള നൂറില്പ്പരം അതിഥികള് മേളയില് പങ്കെടുക്കും. ചലച്ചിത്ര അക്കാദമി ഡിസംബര് 9 മുതല് 16 വരെ തിരുവനന്തപുരത്ത് സംഘടിപ്പിക്കുന്ന 27ാമത് ഐ.എഫ്.എഫ്.കെയുടെ ഓണ്ലൈന് ഡെലിഗേറ്റ് രജിസ്ട്രേഷന് അക്ഷയ കേന്ദ്രങ്ങള് വഴിയും ചെയ്യാം.
