കേരളത്തിലെ ഭൂപരിഷ്കരണത്തിന്റ പശ്ചാത്തലത്തിൽ ഇടുക്കിയിലേക്ക് ആദ്യകാലത്ത് കുടിയേറിയ ഒരുപറ്റം ആളുകളുടെ കഥപറയുന്ന 1956 മധ്യതിരുവിതാംകൂർ എന്ന സിനിമയുടെ ട്രെയിലർ പുറത്തിറങ്ങി. ശവം, വിത്ത് എന്നീ ചിത്രങ്ങൾക്കുശേഷം ഡോൺ പിലാത്തറ സംവിധാനം ചെയ്ത ഈ പുതിയ ചിത്രത്തിന്റ പശ്ചാത്തലം കോട്ടയം ജില്ലയിലെ ഉഴവൂരിൽ നിന്നും വന്ന ഓനൻ ,കോര എന്നിവർ ഏതാനും പരിചയക്കാരെ കൂട്ടി കാട്ടുപോത്തിനെ വേട്ടയാടുന്നതാണ്. ഇടുക്കിയിലും തമിഴ്നാട്ടിലുമായി ചിത്രീകരണം നടന്ന ഈ ചിത്രത്തിൽ ആസിഫ് യോഗി , ജെയിൻ ആൻഡ്രൂസ്, കനികുസൃതി , ഷോൺ റോമി, കൃഷ്ണൻ ബാലകൃഷ്ണൻ , എന്നിവരാണ് അഭിനേതാക്കൾ . 22 ഫീമെയിൽ കോട്ടയം, ഡാ തടിയാ, തുടങ്ങിയ സിനിമകളുടെ രചയിതാവായ അഭിലാഷ് എസ് കുമാർ നിർമ്മിച്ചിരിക്കുന്ന ഈ ചിത്രത്തിനു വേണ്ടി ക്യാമറ ചലിപ്പിച്ചിരിക്കുന്നത് അലക്സ് ജോസഫ് ആണ് . സംഗീതം ബാസിൽ സി ജെ , എഡിറ്റിംഗ് മിഥുൻ, ഡോൺ , ബ്ലാക്ക് ആൻഡ് വൈറ്റിൽ ചിത്രീകരിച്ച സിനിമ ഏറെ വൈകാതെ തന്നെ തിയേറ്ററുകളിൽ റിലീസ് ചെയ്യും.
മോസ്കോ രാജ്യാന്തര ചലച്ചിത്രമേള, സ്പെയിനിൽ നടക്കുന്ന ഇൻഡീ ഇൻഡ്യ, ഗോവ അന്താരാഷ്ട്ര ചലച്ചിത്രമേള, കേരള അന്താരാഷ്ട്ര ചലചിത്രമേള എന്നിവയിൽ 1956 മധ്യതിരുവിതാംകൂർ എന്ന ചിത്രം പ്രദർശിപ്പിച്ചിരുന്നു.
