ന്യൂഡല്ഹി: കോവിഡ് വാക്സിനേഷന് മുന്നോടിയായുള്ള ഡ്രൈ റണ് പഞ്ചാബ്, ഗുജറാത്ത്, ആന്ധ്ര, അസം എന്നീ സംസ്ഥാനങ്ങളില് അടുത്ത ആഴ്ച നടത്തും. വാക്സിന് കുത്തിവെപ്പിനായി കേന്ദ്ര സര്ക്കാര് പുറത്തിറക്കിയ മാര്ഗ്ഗരേഖയില് പോരായ്മകള് ഉണ്ടോയെന്ന് പരിശോധിക്കാനായുള്ള നടപടിയാണ് ഡ്രൈ റണ്. ഡിസംബര് 28, 29 തിയതികളില് ആണ് ഡ്രൈ റണ് നടക്കുക. പഞ്ചാബില് ലുധിയാന, ഷഹീദ് ഭഗത് സിങ് നഗര് എന്നീ ജില്ലകളിലാണ് ഇത് നടക്കുക.ലോകാരോഗ്യ സംഘടനയും യുഎന്ഡിപിയും സഹകരിച്ചാണ് വാക്സിന് ഡ്രൈ റണ് നടത്തുന്നത്. കുത്തിവെപ്പ് നടത്തി അരമണിക്കൂറിനകം പാര്ശ്വ ഫലങ്ങളോ രോഗ ലക്ഷണങ്ങളോ കാണിക്കുകയാണെങ്കില് അവരെ ആശുപത്രിയിലേക്ക് മാറ്റുന്നതിനുള്ള സംവിധാനവും ഡ്രൈ റണ്ണില് ഒരുക്കും.
വാക്സിന് ശേഖരണം, വാക്സിന് സൂക്ഷിക്കുന്നതിനുള്ള ശീതീകരണ സംവിധാനം, വിതരണത്തിനുള്ള ക്രമീകരണങ്ങള് എന്നിവയുടെ ഫലപ്രാപ്തി ഡ്രൈ റണ്ണില് പരിശോധിക്കും. യഥാര്ത്ഥ വാക്സിന് കുത്തിവയ്ക്കുന്നത് ഒഴികെ കേന്ദ്ര ആരോഗ്യ മന്ത്രാലയം പുറത്തിറക്കിയ മാര്ഗ്ഗരേഖയിലെ എല്ലാവ്യവസ്ഥകളും ഡ്രൈ റണ്ണില് പരിശോധിക്കുമെന്ന് കേന്ദ്ര ആരോഗ്യമന്ത്രാലയ വൃത്തങ്ങള് അറിയിച്ചു.
രാവിലെ 9 മണി മുതല് വൈകിട്ട് അഞ്ച് മണി വരെയാണ് വാക്സിന് കുത്തിവയ്ക്കുക എന്നാണ് കേന്ദ്ര ആരോഗ്യ മന്ത്രാലയം പുറത്തിറക്കിയ മാര്ഗ്ഗരേഖയില് വിശദീകരിച്ചിട്ടുള്ളത്. ഒരു കുത്തിവയ്പ്പ് കേന്ദ്രത്തില് ഡോക്ടര് ഉള്പ്പടെ അഞ്ച് ജീവനക്കാര് ആകും ഉണ്ടാകുക. ഡോക്ടര്ക്ക് പുറമെ നേഴ്സ്, ഫര്മസിസ്റ്റ്, പോലീസ്, ഗാര്ഡ് എന്നിവര് വാക്സിന് കുത്തിവെപ്പ് കേന്ദ്രത്തില് ഉണ്ടാകും. ആഭ്യന്തരം, പ്രതിരോധം, റെയില്വെ, വ്യോമയാനം, ഊര്ജ്ജം, തൊഴില്, സ്പോര്ട്ട്സ്, ന്യൂനപക്ഷ ക്ഷേമം, വനിതാ-ശിശുക്ഷേമം തുടങ്ങി 20 മന്ത്രാലയങ്ങളാണ് വാക്സിന് വിതരണം ഏകോപിപ്പിക്കുക. നീതി ആയോഗ് അംഗം ഡോക്ടര് വി.കെ. പോള് അധ്യക്ഷനായ ദേശീയ വിദഗ്ധ സംഘത്തിനാണ് വാക്സിന് വിതരണത്തിന്റെ ഏകോപന പ്രവര്ത്തനങ്ങളുടെ ചുമതല.
