കണ്ണൂര് മാര്ച്ച് 17: മാഹിയിലും വൈറസ് ബാധ സ്ഥിരീകരിച്ചു. പുതുച്ചേരി ആരോഗ്യമന്ത്രിയാണ് ഇക്കാര്യം അറിയിച്ചത്. യുഎഇയില് നിന്ന് ആഴ്ചകള്ക്ക് മുന്പ് മാഹിയിലെത്തിയ സ്ത്രീക്കാണ് രോഗബാധ സ്ഥിരീകരിച്ചത്. ഇവരുടെ ആരോഗ്യനില തൃപ്തികരമാണ്. ഇവരുമായി അടുത്തിടപഴകിയ വീട്ടുകാരും നിരീക്ഷണത്തിലാണ്. മാഹി സര്ക്കാര് ആശുപത്രിയില് ചികിത്സയിലാണ് ഇവര്. ഇന്ത്യയില് കോവിഡ് ബാധ സ്ഥിരീകരിക്കുന്ന ആദ്യ കേന്ദ്ര ഭരണപ്രദേശം കൂടിയാണ് മാഹി.
കണ്ണൂര് ജില്ലയില് കോവിഡ് 19 ബാധ സംശയിച്ച് ആശുപത്രിയില് നിരീക്ഷണത്തില് കഴിയുന്നവരുടെ എണ്ണം 26 ആയി. ഇതുവരെയായി പരിശോധനയ്ക്കയച്ച 108 സാമ്പിളുകളില് ഒരെണ്ണം പോസിറ്റീവും 95 എണ്ണം നെഗറ്റീവുമാണ്. 12 എണ്ണത്തിന്റെ ഫലം ലഭിക്കാനുണ്ട്.
