തിരുവനന്തപുരം ഫെബ്രുവരി 18: കേരളാ പോലീസിന്റെ വെടിയുണ്ടകള് കാണാതായ സംഭവത്തില് സിബിഐ അന്വേഷണം ആവശ്യപ്പെട്ട് നല്കിയ ഹര്ജി ഹൈക്കോടതി ഇന്ന് പരിഗണിക്കും. പൊതുപ്രവര്ത്തകനായ ജോര്ജ്ജ് വട്ടുകുളമാണ് സിബിഐ അന്വേഷണം ആവശ്യപ്പെട്ട് ഹൈക്കോടതിയെ സമീപിച്ചിരിക്കുന്നത്. വെടിയുണ്ട കാണാതായതുമായി ബന്ധപ്പെട്ട ഫയലുകള് മുദ്രവച്ച കവറില് ഹൈക്കോടതിയില് സമര്പ്പിക്കണമെന്നും ഹര്ജിയില് ആവശ്യപ്പെടുന്നു.
നിലവിലെ പോലീസ് അന്വേഷണം തൃപ്തികരമല്ലെന്നും ഹര്ജിയില് പറയുന്നു. പോലീസിന്റെ പക്കലുണ്ടായിരുന്ന 12,061 വെടിയുണ്ടകള് കാണാനില്ലെന്ന സിഎജി റിപ്പോര്ട്ടിന്റെ അടിസ്ഥാനത്തിലാണ് ജോര്ജ്ജ് വട്ടുകുളം ഹൈക്കോടതിയെ സമീപിച്ചത്.
