ന്യൂഡൽഹി മാർച്ച് 26: കൊറോണ വൈറസ് വ്യാപനവുമായി ബന്ധപെട്ട് ഇന്ത്യൻ പ്രധാനമന്ത്രി നരേന്ദ്രമോദിയും റഷ്യൻ പ്രസിഡന്റ് വ്ളാഡമിർ പുടിനും ടെലിഫോൺ സംഭാഷണം നടത്തി. ബുധനാഴ്ച വൈകുന്നേരമാണ് ഇരുനേതാക്കളും ചർച്ച നടത്തിയത്. റഷ്യയിലെ ഇന്ത്യൻ എംബസി ഈ കാര്യം സ്ഥിരീകരിച്ചു.
ഇന്ത്യ എടുത്ത മുൻകരുതലുകളും നടപടികളും മോദി പുടിനുമായി പങ്കുവെച്ചു. കോവിഡ് പ്രതിരോധനത്തിനെതിരെ ഇന്ത്യ എടുക്കുന്ന നടപടികളെ റഷ്യ അഭിനന്ദിക്കുന്നതായി പുടിൻ ആശംസിച്ചു. കോവിഡ് ആഗോളതലത്തിലുണ്ടാക്കുന്ന സാമ്പത്തിക സാമൂഹ്യ പ്രതിസന്ധികൾ ഇരുനേതാക്കളും പങ്കുവെച്ചു.
