കൊച്ചി: നഗരത്തിലെ പ്രമുഖ ഷോപ്പിംഗ് മാളില് യുവനടിയെ അപമാനിച്ച പ്രതികളുടെ ദൃശ്യങ്ങള് പോലീസ് പുറത്തുവിട്ടു. മെട്രോ സ്റ്റേഷനിലെ സിസിടിവി
ദൃശ്യങ്ങളാണ് പുറത്തുവിട്ടത്.
25 വയസിൽ താഴെയാണ് പ്രതികൾ രണ്ടു പേര്ക്കും പ്രായം എന്നാണ് പോലീസ് കരുതുന്നത്. മെട്രോ റെയില് വഴിയാണ് രണ്ട് പ്രതികളും മാളിലെത്തിയത്. ഇരുവരും മെട്രോയില് തന്നെ സൗത്ത് സ്റ്റേഷനിലേക്കാണ് മടങ്ങിയത് . പ്രതികള് എറണാകുളം ജില്ലയ്ക്ക് പുറത്തുനിന്നുള്ളവരാണെന്നാണ് സൂചന. പ്രതികളെ കണ്ടെത്താനുള്ള ശ്രമം പോലീസ് ഊർജിതമാക്കി.



