തിരുവനന്തപുരം ജനുവരി 6: ജെഎന്യുവിലെ വിദ്യാര്ത്ഥികള്ക്ക് നേരെയുണ്ടായ ആക്രമണം അസഹിഷ്ണുതയുടെ അഴിഞ്ഞാട്ടമാണെന്ന് മുഖ്യമന്ത്രി പിണറായി വിജയന്. ക്യാമ്പസിലെ അധ്യാപകരെയും വിദ്യാര്ത്ഥികളെയും നാസി മാതൃകയില് ആക്രമിച്ചവര് രാജ്യത്ത് അരക്ഷിതാവസ്ഥയും കലാപവും സൃഷ്ടിക്കാന് ഇറങ്ങിയവരാണെന്നും മുഖ്യമന്ത്രി കൂട്ടിച്ചേര്ത്തു.
ആക്രമണത്തില് പരിക്കേറ്റ വിദ്യാര്ത്ഥി യൂണിയന് പ്രസിഡന്റിനെ ആശുപത്രിയില് കൊണ്ടുപോയ ആംബുലന്സ് തടയാന് എബിവിപിക്കാര് തയ്യാറായെന്നത് കലാപ പദ്ധതിയുടെ വ്യാപ്തി സൂചിപ്പിക്കുന്നു. ക്യാമ്പസുകളില് മാരകായുധങ്ങളുമായി ആക്രമി സംഘമെത്തിയത്. ക്യാമ്പസുകളില് രക്തം വീഴ്ത്തുന്ന കളിയില് നിന്ന് സംഘപരിവാര് ശക്തികള് പിന്മാറണം. വിദ്യാര്ത്ഥികളുടെ ശബ്ദം ഈ നാടിന്റെ ശബ്ദമാണെന്ന് തിരിച്ചറിയുന്നത് നല്ലതെന്നും അദ്ദേഹം വ്യക്തമാക്കി.
