തൃശൂര്: നായയെ വളര്ത്തുന്നതു സംബന്ധിച്ച തര്ക്കത്തെ തുടർന്ന് സഹോദരന്റെ മകന്റെ കുത്തേറ്റ് ചികിത്സയിലിരുന്ന ഗൃഹനാഥന് മരിച്ചു. ക്രിസ്റ്റഫര് നഗര് സ്വദേശി ശശി (60) ആണ് 8-10 -2020 വ്യാഴാഴ്ച മരിച്ചത്. 29-9-2020 ന് നടക്കാനിറങ്ങിയ ശശിയെ ഇദ്ദേഹത്തിന്റെ സഹോദരന്റെ മകൻ അക്ഷയ് കുമാറും കൂട്ടുകാരും ചേര്ന്നു വൈലോപ്പിള്ളി ഗവ. സ്കൂളിന്റെ മുന്നില്വച്ച് കുത്തുകയായിരുന്നു.
ആക്രമണത്തിൽ ശശിയുടെ കഴുത്തിലും പുറത്തും കുത്തേറ്റു. പുറത്തേറ്റ കുത്ത് മാരകമായതിനെ തുടർന്ന് ചികിത്സയിലിരിക്കെ യാണ് മരണം. കേസില് പ്രതിയായ അക്ഷയ്കുമാര് പോലീസ് കസ്റ്റഡിയിലാണ്.

