വയനാട്| മുതിര്ന്ന ഫോട്ടോ ജേണലിസ്റ്റ് എന് പി ജയന്(57) അന്തരിച്ചു. ദി ന്യൂ ഇന്ത്യന് എക്സ്പ്രസ് പത്രത്തില് ദീര്ഘകാലം സേവനമനുഷ്ഠിച്ചിരുന്നു. ജനുവരി 10 ന് വയനാട്ടിലെ നെന്മേനിക്കുന്നിലുള്ള വസതിയില് മരിച്ച നിലയില് കണ്ടെത്തുകയായിരുന്നു.
മലബാര് മേഖലയിലെ പല സുപ്രധാന സംഭവങ്ങളും ലോകം കണ്ടത് ജയന് പകര്ത്തിയ ചിത്രങ്ങളിലൂടെയാണ്
20ാമത്തെ വയസിലാണ് അദ്ദേഹം ഫോട്ടോഗ്രാഫറായി ജോലി തുടങ്ങുന്നത്. ദ ഹിന്ദു, ഡെക്കാന് ഹെറാള്ഡ്, ഡൗണ് ടു ഏര്ത്, മാധ്യമം, മാതൃഭൂമി തുടങ്ങിയ പത്ര, മാഗസിനുകള്ക്കും വേണ്ടി ചിത്രങ്ങള് പകര്ത്തി. കേരളത്തിലെ മലബാര് മേഖലയിലെ പല സുപ്രധാന സംഭവങ്ങളും ലോകം കണ്ടത് ജയന് പകര്ത്തിയ ചിത്രങ്ങളിലൂടെയാണ്. മാറാട് നാദാപുരം കലാപങ്ങള്, മുത്തങ്ങ വെടിവെപ്പ് തുടങ്ങിയവ ഇതില് ചിലത് .
