ന്യൂഡല്ഹി: മണിപ്പൂരില് ഇന്ത്യ കൊലചെയ്യപ്പെട്ടെന്ന് രാഹുല് ഗാന്ധി. മണിപ്പൂര് ഇപ്പോള് രണ്ടായി വിഭജിക്കപ്പെട്ടിരിക്കുന്നു. മണിപ്പുര് ഇന്ത്യയില് അല്ലെന്നാണ് പ്രധാനമന്ത്രി നരേന്ദ്ര മോദിയുടെ ഭാവമെന്നും കോണ്ഗ്രസ് നേതാവ് രാഹുല് ഗാന്ധി കുറ്റപ്പെടുത്തി. മണിപ്പൂര് കലാപവുമായി ബന്ധപ്പെട്ട് ലോക്സഭയില് അവിശ്വാസ പ്രമേയചര്ച്ചയില് പങ്കെടുത്തു പ്രസംഗിക്കുകയായിരുന്നു അദ്ദേഹം.
താന് മണിപ്പുര് സന്ദര്ശിച്ചെങ്കിലും ഈ നിമിഷംവരെ പ്രധാനമന്ത്രി അവിടെ പോയിട്ടില്ല. അതിനു കാരണം നിങ്ങള് രാജ്യസ്നേഹികള് അല്ലാത്തതുകൊണ്ടാണ്. മണിപ്പുരില് കൊല ചെയ്യപ്പെടുന്നത് ഇന്ത്യയാണ്. മണിപ്പുര് ഇപ്പോള് രണ്ടായിരിക്കുന്നു. മണിപ്പുരിലുള്ളവരുമായി സംസാരിക്കാന് പ്രധാനമന്ത്രി തയാറാകുന്നില്ല. മണിപ്പുരില് ഭാരതമാതാവാണു കൊല്ലപ്പെട്ടത്. ബിജെപി ദേശദ്രോഹികളാണ്.
രാവണന് കുംഭകര്ണനും മേഘനാഥനും പറയുന്നതാണു കേട്ടിരുന്നത്. അഹങ്കാരമാണ് രാവണന്റെ അന്ത്യം കുറിച്ചത്. മോദി കേള്ക്കുന്നത് അദാനിയെയും അമിത്ഷായെയുമാണെന്നു രാഹുല് പരിഹസിച്ചു.
റിപ്പോര്ട്ട്
ന്യൂസ് ഡെസ്ക്
