തിരുവനന്തപുരം | ജസ്റ്റിസ് ജെ ബി കോശി കമ്മീഷന് റിപ്പോര്ട്ട് തത്വത്തില് അംഗീകരിച്ച മന്ത്രിസഭായോഗം റിപ്പോര്ട്ട് ഔദ്യോഗികമായി പ്രസിദ്ധീകരിക്കാനും തീരുമാനിച്ചു. ഇതിനകം തീരുമാനം കൈക്കൊണ്ട ശിപാര്ശകള്ക്ക് പുറമേ 32 എണ്ണത്തില് കൂടി ഇന്നു (ഫെബ്രുവരി24) നടന്ന മന്ത്രിസഭാ യോഗം തീരുമാനമെടുത്തു.
1947 എന്ന വര്ഷം ജാതി/സമുദായ സര്ട്ടിഫിക്കറ്റ് നല്കുന്നതിനുള്ള മാനദണ്ഡമായി പരിഗണിക്കേണ്ടതില്ലെന്ന് തീരുമാനം.
അന്വേഷണത്തിന്റെ അടിസ്ഥാനത്തില് ജാതി,സമുദായ സര്ട്ടിഫിക്കറ്റ് അനുവദിക്കാമെന്നും 1947 എന്ന വര്ഷം ജാതി, സമുദായ സര്ട്ടിഫിക്കറ്റ് നല്കുന്നതിനുള്ള മാനദണ്ഡമായി പരിഗണിക്കേണ്ടതില്ലെന്നും മന്ത്രി സഭാ യോഗത്തില് തീരുമാനമായി.1947നു മുന്പ് ലത്തീന് കത്തോലിക്കാ വിശ്വാസികളായി ചേര്ന്നവര്ക്കും അവരുടെ പിന് തലമുറക്കാര്ക്കും മാത്രമേ ലത്തീന് കത്തോലിക്കാ സമുദായ സര്ട്ടിഫിക്കറ്റ് ലഭിക്കാന് അര്ഹതയുള്ളൂ എന്ന നിബന്ധന അശാസ്ത്രീയമായതിനാല് ബന്ധപ്പെട്ട ബിഷപ്പുമാര് നല്കുന്ന സര്ട്ടിഫിക്കറ്റ് റവന്യു അധികാരികളുടെ അന്വേഷണത്തിനു സഹായകരമായ ഒരു രേഖയായി പരിഗണിച്ചുകൊണ്ട് വില്ലേജ് ഓഫീസര് നടത്തുന്ന പ്രാദേശിക അന്വേഷണത്തിന്റെ അടിസ്ഥാനത്തില് ജാതി/സമുദായ സര്ട്ടിഫിക്കറ്റ് അനുവദിക്കാമെന്നും 1947 എന്ന വര്ഷം ജാതി/സമുദായ സര്ട്ടിഫിക്കറ്റ് നല്കുന്നതിനുള്ള മാനദണ്ഡമായി പരിഗണിക്കേണ്ടതില്ലെന്നുമാണ് തീരുമാനം.
സര്ക്കാര് ഉടമസ്ഥതയിലുള്ള ഒരു വിദ്യാഭ്യാസ സ്ഥാപനത്തിനും മതാധിഷ്ഠിത പേരു നല്കാന് പാടില്ല
ഒഇസി ലിസ്റ്റില് ഉള്പ്പെടുന്നതിനാല് ജാതി അടിസ്ഥാനത്തില് ലഭിക്കുന്ന സ്റ്റൈപ്പന്റും ലംപ്സം ഗ്രാന്റും സ്കോളര്ഷിപ്പ് അല്ലെന്ന് വ്യക്തമാക്കിക്കൊണ്ട് ഉത്തരവ് പുറപ്പെടുവിക്കും.ഭാവിയില് ആരംഭിക്കുന്ന സര്ക്കാര് ഉടമസ്ഥതയിലുള്ള ഒരു വിദ്യാഭ്യാസ സ്ഥാപനത്തിനും മതാധിഷ്ഠിത പേരു നല്കാന് പാടില്ല. കേരള പബ്ലിക് സര്വീസ് കമ്മീഷന്, യൂണിയന് പബ്ലിക് സര്വീസ് കമ്മീഷന്, റെയില്വേ റിക്രൂട്ട്മെന്റ് ബോര്ഡ്, ബേങ്കിങ് സര്വീസ് കമ്മീഷന് എന്നീ ഏജന്സികള് നടത്തുന്ന മത്സര പരീക്ഷകള്ക്കും വിവിധ കോഴ്സുകള്ക്കുള്ള പ്രവേശന പരീക്ഷകള് മുതലായവയ്ക്ക് സൗജന്യ പരിശീലനം നല്കുന്ന ട്രെയിനിംഗ് കേന്ദ്രങ്ങളുണ്ട്.
സൗജന്യ പരിശീലന കേന്ദ്രങ്ങള് സ്ഥാപിക്കും.
കുടിയേറ്റ കര്ഷകര് ധാരാളമായുള്ള മലയോര പ്രദേശമായ കണ്ണൂരും ഇടുക്കിയിലും കോട്ടയം ജില്ലയുടെ കിഴക്കന് പ്രദേശങ്ങളിലും മത്സ്യത്തൊഴിലാളികള് ധാരാളമായി അധിവസിക്കുന്ന എറണാകുളത്തും, തിരുവനന്തപുരത്തുമുള്ള തീരപ്രദേശങ്ങളിലും ഇത്തരം ട്രെയിനിംഗ് ഉപകേന്ദ്രങ്ങള് സ്ഥാപിക്കും. പരിവര്ത്തിത ക്രൈസ്തവ കോര്പറേഷന് കണ്ണൂര് ജില്ലയില് ഓഫീസ് ആരംഭിക്കും. കമ്മ്യൂണിറ്റി ക്വോട്ടയിലെ സീറ്റുകളില് മെറിറ്റ് അടിസ്ഥാനമാക്കി പ്രവേശനം നേടുന്ന വിദ്യാര്ഥികള്ക്ക് ലഭിച്ചിരുന്ന ഇ-ഗ്രാന്റ് സ്കോളര്ഷിപ്പുകള് പുനഃസ്ഥാപിച്ചു നല്കാനും തീരുമാനിച്ചു
