കാസര്ഗോഡ്: പ്രതിപക്ഷനേതാവ് വി.ഡി. സതീശന് നയിക്കുന്ന യുഡിഎഫ് പുതുയുഗയാത്രയ്ക്ക് ആറിനു കുമ്പളയില് തുടക്കമാകും. ഫെബ്രുവരി 6 വെളളിയാഴ്ച വൈകുന്നേരം നാലിന് എഐസിസി സംഘടനാ ചുമതലയുള്ള ജനറല് സെക്രട്ടറി കെ.സി. വേണുഗാപാല് എംപി ഉദ്ഘാടനം നിര്വഹിക്കും. യുഡിഎഫിന്റെ സംസ്ഥാന നേതാക്കള് പങ്കെടുക്കും. അന്നേദിവസം രാത്രി ഏഴിന് കാസര്ഗോഡ് ജാഥയ്ക്ക് സ്വീകരണം നല്കും.
യാത്ര മാര്ച്ച് ആറിനു വൈകുന്നേരം തിരുവനന്തപുരം പുത്തരിക്കണ്ടം മൈതാനത്ത് സമാപിക്കും.
ഏഴിനു രാവിലെ 10ന് ഉദുമ ടൗണിലും 11ന് കാഞ്ഞങ്ങാടും 12ന് തൃക്കരിപ്പൂരിലും സ്വീകരണം നല്കും. തുടര്ന്ന് യാത്ര കണ്ണൂര് ജില്ലയിലേക്കു പ്രവേശിക്കും. യാത്ര മാര്ച്ച് ആറിനു വൈകുന്നേരം തിരുവനന്തപുരം പുത്തരിക്കണ്ടം മൈതാനത്ത് സമാപിക്കും. പത്രസമ്മേളനത്തില് രാജ്മോഹന് ഉണ്ണിത്താന് എംപി, യുഡിഎഫ് ജില്ലാ ചെയര്മാന് കല്ലട്ര മാഹിന് ഹാജി, ഡിസിസി പ്രസിഡന്റ് പി.കെ. ഫൈസല്, യുഡിഎഫ് കണ്വീനര് എ. ഗോവിന്ദന് നായര്, യുഡിഎഫ് സെക്രട്ടറി എ. ഗോവിന്ദന് നായര് എന്നിവര് പങ്കെടുത്തു.
