തിരുവനന്തപുരം: പുതുവത്സരദിനത്തില് തിരുവനന്തപുരം മേയർക്കും മറ്റു ബിജെപി കൗൺസിലർമാർക്കും പ്രവർത്തകർക്കും ആശംസകൾ നേർന്നുകൊണ്ട് പ്രധാന മന്ത്രി നരേന്ദ്ര മോദിയുടെ കത്ത്. മേയറായി ചുമതലയേറ്റ വി.വി.രാജേഷിനും ഡെപ്യൂട്ടി മേയറായി ചുമതലയേറ്റ ജി.എസ്. ആശാ നാഥിനും മറ്റ് പ്രവർത്തകർക്കുമാണ് ആശംസ നേർന്നുകൊണ്ട് മോദിയുടെ കത്ത് എത്തിയത്.
നഗരവാസികളോടു നന്ദി പറയുന്നു.
തിരുവനന്തപുരവുമായി തനിക്കുള്ള ബന്ധത്തെക്കുറിച്ചും നഗരത്തിന്റെ പ്രാധാന്യത്തെക്കുറിച്ചും മോദി കത്തിൽ വിവരിച്ചു. പത്മനാഭസ്വാമി അനുഗ്രഹിച്ച നഗരത്തിൽ പലതവണ സന്ദർശിച്ച ഓർമകൾ തനിക്കുണ്ടെന്നും മോദി കത്തിൽ പറയുന്നു.തിരുവനന്തപുരം ബിജെപിയെ അനുഗ്രഹിച്ചിരിക്കുകയാണെന്നും വികസിത തിരുവനന്തപുരമെന്ന ബിജെപിയുടെ ലക്ഷ്യവും കേന്ദ്ര സർക്കാരിന്റെ പ്രവർത്തനങ്ങളും കണ്ടുകൊണ്ടാണ് ജനങ്ങൾ തങ്ങളെ അനുഗ്രഹിച്ചതെന്നും ഇതിൽ നഗരവാസികളോടു നന്ദി പറയുന്നുവെന്നും മോദി കത്തിൽ പറയുന്നു.
,
പൂർണരൂപം അദ്ദേഹത്തിന്റെ ഫേസ്ബുക്ക് പേജിൽ
നല്ല ഭരണം കാഴ്ചവയ്ക്കാനുള്ള ആശംസകൾ നേർന്നാണ് മോദി കത്ത് അവസാനിപ്പിക്കുന്നത്. പ്രധാനമന്ത്രിയുടെ വാക്കുകൾക്ക് നന്ദി പറഞ്ഞുകൊണ്ടു മേയർ വി.വി. രാജേഷ് കത്തിന്റെ പൂർണരൂപം അദ്ദേഹത്തിന്റെ ഫേസ്ബുക്ക് പേജിൽ പങ്കുവച്ചിട്ടുണ്ട്.
