ന്യൂഡല്ഹി: മെയ് 9 വെള്ളിയാഴ്ച രാജ്യത്തെ വിവിധയിടങ്ങളില് പാക് ഡ്രോണുകള് ആക്രമണം നടത്തിയതിന് പിന്നാലെ ശക്തമായി തിരിച്ചടിച്ച് ഇന്ത്യ. ജമ്മു സെക്ടറിന്റെ മറുഭാഗത്താണ് ഇന്ത്യയുടെ തിരിച്ചടി. അന്താരാഷ്ട്ര അതിര്ത്തിയിലും നിയന്ത്രണരേഖയിലും ഇന്ത്യ ശക്തമായി .തിരിച്ചടിക്കുകയാണെന്നാണ് പ്രതിരോധവൃത്തങ്ങളില് നിന്ന് ലഭിക്കുന്ന സൂചന.
പ്രധാനമന്ത്രി നരേന്ദ്ര മോദി നിര്ണായകയോഗം വിളിച്ചുചേർത്തു..
.പാക് ആക്രമണങ്ങളുടെ പശ്ചാത്തലത്തില് പ്രധാനമന്ത്രി നരേന്ദ്ര മോദി നിര്ണായകയോഗം വിളിച്ചുചേർത്തു. കേന്ദ്ര പ്രതിരോധമന്ത്രി രാജ്നാഥ് സിങ്, കേന്ദ്ര വിദേശകാര്യമന്ത്രി എസ്. ജയശങ്കര്, വിദേശകാര്യ സെക്രട്ടറി വിക്രം മിസ്രി, ദേശീയ സുരക്ഷാ ഉപദേഷ്ടാവ് അജിത് ഡോവല് എന്നിവര് യോഗത്തില് പങ്കെടുത്തു. നേരത്തെ കര, വ്യോമ, നാവികസേനകളുടെ മേധാവികളുമായി പ്രധാനമന്ത്രി കൂടിക്കാഴ്ച നടത്തിയിരുന്നു.
ആക്രമങ്ങളെ ഇന്ത്യ പ്രതിരോധിച്ചതായി സര്ക്കാര് വൃത്തങ്ങള് .
.പാകിസ്താന്റെ എല്ലാ ശ്രമങ്ങളെയും ഇന്ത്യ നിര്വീര്യമാക്കി. മൂന്നിടങ്ങളില് ജനവാസമേഖലയില് ഡ്രോണുകള് പതിച്ചതായാണ് റിപ്പോര്ട്ടുകള്. പഞ്ചാബിലെ ഫിറോസ്പുരില് ഡ്രോണ് പതിച്ച് ഒരു കുടുംബത്തിലെ മൂന്നുപേര്ക്ക് പരിക്കേറ്റു. ആക്രമങ്ങളെ ഇന്ത്യ പ്രതിരോധിച്ചതായി സര്ക്കാര് വൃത്തങ്ങള് അറിയിച്ചു.
