ഒട്ടാവ: കാനഡയുടെ പുതിയ പ്രധാനമന്ത്രിയായി ലിബറല് പാര്ട്ടി നേതാവ് മാര്ക്ക് കാര്ണി സത്യപ്രതിജ്ഞ ചെയ്തു. ജസ്റ്റിന് ട്രൂഡോയുടെ പിന്ഗാമിയായാണ് മാര്ക്ക് കാര്ണിയുടെ വരവ്. കാനഡയുടെ 24-ാമത് പ്രധാനമന്ത്രിയാണ് കാർണി.ഇക്കഴിഞ്ഞ ജനുവരിയിലാണ് ലിബറല് പാര്ട്ടി നേതാവും പ്രധാനമന്ത്രിയുമായിരുന്ന ജസ്റ്റിന് ട്രൂഡോ തന്റെ രാജി പ്രഖ്യാപിച്ചത്. ഒമ്പതുവര്ഷത്തിലേറെ ഭരണത്തിലിരുന്നശേഷമായിരുന്നു ട്രൂഡോ സ്ഥാനമൊഴിഞ്ഞത്. ഇതിനുപിന്നാലെയാണ് ട്രൂഡോയ്ക്ക് പകരക്കാരനെ കണ്ടെത്താന് ലിബറല് പാര്ട്ടി തിരഞ്ഞെടുപ്പ് നടത്തിയത്.
ബാങ്ക് ഓഫ് കാനഡയുടെയും ബാങ്ക് ഓഫ് ഇംഗ്ലണ്ടിന്റെയും ഗവര്ണറായി പ്രവര്ത്തിച്ചയാളാണ്.
തിരഞ്ഞെടുപ്പില് മുന് ധനമന്ത്രി ക്രിസ്റ്റിയ ഫ്രീലാന്ഡിനെയാണ് കാര്ണി പരാജയപ്പെടുത്തിയത്. ബാങ്ക് ഓഫ് കാനഡയുടെയും ബാങ്ക് ഓഫ് ഇംഗ്ലണ്ടിന്റെയും ഗവര്ണറായി പ്രവര്ത്തിച്ചയാളാണ് 59-കാരനായ മാര്ക്ക് കാര്ണി. 2008-ലെ ആഗോള സാമ്പത്തികമാന്ദ്യത്തില് പിടിച്ചുനില്ക്കാന് കാനഡയെ സഹായിച്ചതിലൂടെ ഗോള്ഡ്മാന് സാക്സിലെ മുന് ഉദ്യോഗസ്ഥന് കൂടിയായിരുന്ന കാര്ണിയുടെ പ്രശസ്തി വര്ധിച്ചു.
“ഐക്യപ്പെടുമ്പോഴാണ് നമ്മള് കൂടുതല് ശക്തരാകുന്നത്, നിങ്ങള്ക്ക് നന്ദി” മാര്ക്ക് കാര്ണി എക്സില് കുറിച്ചു
നിലവില് യു.എസ്. പ്രസിഡന്റ് ഡൊണാള്ഡ് ട്രംപിനെ നേരിടാന് ഏറ്റവും യോഗ്യനായ രാഷ്ട്രീയക്കാരനാണ് various സര്വേകളില് കാര്ണിയെ കാനഡക്കാര് വിശേഷിപ്പിക്കുന്നത്. ലിബറല് പാര്ട്ടി നേതാവായി തിരഞ്ഞെടുക്കപ്പെട്ടതിന് പിന്നാലെ മാര്ക്ക് കാര്ണി സാമൂഹികമാധ്യമമായ എക്സിലൂടെ ഏവര്ക്കും നന്ദി അറിയിച്ചിരുന്നു. “ഐക്യപ്പെടുമ്പോഴാണ് നമ്മള് കൂടുതല് ശക്തരാകുന്നതെന്നും, നിങ്ങള്ക്ക് നന്ദി” എന്നുമാണ് മാര്ക്ക് കാര്ണി എക്സില് കുറിച്ചത്
