ജയ്പൂര് \ രാജസ്ഥാനില് പോലീസ് റെയ്ഡനിടെ പിഞ്ചു കുഞ്ഞ് ചവിട്ടേറ്റ് മരിച്ചു. 25 ദിവസം പ്രായമുള്ള പെണ് കുഞ്ഞ് ആണ് മരിച്ചത്. ആല്വാര് ജില്ലയിലെ രഘുനാഥ്ഗഡ് ഗ്രാമത്തില് ആണ് ദാരുണ സംഭവം. മാര്ച്ച് രണ്ടിന് പുലര്ച്ചെ ആറ് മണിയോടെയാണ് സംഭവം നടന്നത്. ഒരു സൈബര് കേസില് കുഞ്ഞിന്റെ പിതാവ് ഇമ്രാനെ തിരഞ്ഞെത്തിയതായിരുന്നു പോലീസുകാര്..
കുഞ്ഞ് കട്ടിലിന്റെ ഓരത്ത് കിടക്കുന്നുവെന്ന് തങ്ങള് അലറിപ്പറഞ്ഞിട്ടും കൂട്ടാക്കാതെ പോലീസ്
ഉറങ്ങിക്കിടന്ന തങ്ങള് പൊലീസ് വാതിലില് ശക്തിയായി മുട്ടുന്നത് കേട്ടാണ് ഉണര്ന്നതെന്നും വാതില് തുറന്ന തന്നെ പിടിച്ചുതള്ളി പോലീസ് വീട്ടിലേക്ക് കയറിയെന്നും ഇമ്രാന്റെ ഭാര്യ റസീദ ആരോപിച്ചു. ആ സമയത്ത് പിഞ്ചുകുഞ്ഞും തന്റെ ഭര്ത്താവും കട്ടിലില് കിടക്കുകയായിരുന്നു. കട്ടിലില് നിന്ന് ഭര്ത്താവിനെ പൊലീസ് വലിച്ചിറക്കാന് നോക്കി. കുഞ്ഞ് കട്ടിലിന്റെ ഓരത്ത് കിടക്കുന്നുവെന്ന് തങ്ങള് രണ്ടാളും അലറിപ്പറഞ്ഞിട്ടും പോലീസ് കുഞ്ഞിനെ ചവിട്ടി കൊണ്ട്..ഭര്ത്താവിനെ വലിച്ചിറക്കി കൊണ്ടുപോയെന്നും റസീദ മാധ്യമങ്ങളോട് പറഞ്ഞു. .
കുറ്റാരോപിതരായ പൊലീസുകാരെ ഉടനടി സര്വീസില് നിന്ന് പിരിച്ചുവിടണമെന്ന് ആവശ്യമുന്നയിച്ച് പ്രദേശത്ത് നാട്ടുകാര് പ്രതിഷേധിക്കുകയാണ്. .
