കൊച്ചി:ബ്ലഡ് ട്രാന്സ്ഫ്യൂഷനിൽ അനുയോജ്യമായ രക്തം കണ്ടെത്താനുള്ള ബുദ്ധിമുട്ടിന് പരിഹാരമായി അപൂര്വ രക്തദാതാക്കളെ തിരിച്ചറിയാനുള്ള റെയര് ബ്ലഡ് ഡോണര് രജിസ്ട്രി കേരള ബ്ലഡ് ട്രാന്സ്ഫ്യൂഷന് കൗണ്സില് പുറത്തിറക്കി. ബ്ലഡ് ട്രാന്സ്ഫ്യൂഷന് സര്വീസിന്റെ ദേശീയ കോണ്ക്ലേവിലാണ് റെയര് ബ്ലഡ് ഡോണര് രജിസ്ട്രി പ്രകാശനം ചെയ്തതത്. കൊച്ചിയില് നടന്ന ദേശീയ കോണ്ക്ലേവിൽ എല്ലാ സംസ്ഥാനങ്ങളിൽ നിന്നുമുളള പ്രതിനിധികള് പങ്കെടുത്തു. കേരള മോഡല് റെയര് ബ്ലഡ് ഡോണര് രജിസ്ട്രി രാജ്യത്താകെ വ്യാപിപ്പിക്കുമെന്ന് കേന്ദ്ര ബ്ലഡ് ട്രാന്സ്ഫ്യൂഷന് സര്വീസസ് ഡയറക്ടര് അറിയിച്ചു.
രജിസ്ട്രി വിപുലപ്പെടുത്തുമെന്ന് ആരോഗ്യ വകുപ്പ് മന്ത്രി വീണാ ജോര്ജ് .
കൂടുതല് രക്തദാതാക്കളെ ഉള്പ്പെടുത്തി രജിസ്ട്രി വിപുലപ്പെടുത്തുമെന്ന് ആരോഗ്യ വകുപ്പ് മന്ത്രി വീണാ ജോര്ജ് പറഞ്ഞു. നിരവധി ആന്റിജനുകള് പരിശോധിച്ച ശേഷമാണ് അപൂര്വ രക്തദാതാക്കളുടെ രജിസ്ട്രി സജ്ജമാക്കിയത്. ഉടന് തന്നെ രജിസ്ട്രിയുടെ സേവനം സംസ്ഥാനത്താകെ ലഭ്യമാക്കും. കൂടുതല് രോഗികള്ക്ക് ഉപകാരപ്പെടാന് രജിസ്ട്രിയെപ്പറ്റിയുള്ള പ്രാഥമിക വിവരങ്ങള് വൈദ്യ സമൂഹത്തിലേയ്ക്കും പൊതുജനങ്ങളിലേയ്ക്കും എത്തിക്കുമെന്നും മന്ത്രി വ്യക്തമാക്കി.മെഡിക്കല് കോളജുകളായ തിരുവനന്തപുരം, കോട്ടയം, തൃശൂര്, കോഴിക്കോട് സര്ക്കാര് മെഡിക്കല് കോളേജുകളെ ഏകോപിപ്പിച്ചാണ് ഈ പദ്ധതി പൂര്ത്തിയാക്കിയത്
