ജില്ലയിൽ 126 റേഷൻകടകൾ തുടങ്ങുന്നതിനുള്ള വിജ്ഞാപനം ജില്ലാ സപ്ലൈ ഓഫീസർ പുറപ്പെടുവിച്ചു. റേഷൻകട നടത്താൻ താല്പര്യമുള്ള എസ്. സി, എസ്. ടി, ഭിന്നശേഷിക്കാർ തുടങ്ങിയ വിഭാഗങ്ങൾക്ക് അപേക്ഷിക്കാം. നിർദ്ദിഷ്ട ഫോറത്തിലുള്ള അപേക്ഷയും അനുബന്ധ രേഖകളും സഹിതം ജൂലൈ 5ന് (5/7/22)ഉച്ചകഴിഞ്ഞ് 3ന് മുൻപായി നേരിട്ടോ/ തപാൽ മുഖേനയോ ജില്ല സപ്ലൈ ഓഫീസിൽ ലഭ്യമാക്കേണ്ടതാണ്.
എറണാകുളം സിറ്റി റേഷനിംഗ് ഓഫീസിന്റെ പരിധിയിൽ 26 വീതവും , കൊച്ചി സിറ്റി റേഷനിംഗ് ഓഫീസിന്റെ പരിധിയിൽ 16 വീതവും , കൊച്ചി താലൂക്ക് സപ്ലൈ ഓഫീസ് പരിധിയിൽ 4 വീതവും, കണയന്നൂർ താലൂക്ക് സപ്ലൈ ഓഫീസിന് കീഴിൽ 31 വീതവും , ആലുവ താലൂക്ക് സപ്ലൈ ഓഫീസിന് കീഴിൽ 12 , വടക്കൻ പറവൂർ താലൂക്ക് സപ്ലൈ ഓഫീസിന് കീഴിൽ 10 വീതവും , കുന്നത്തുനാട് താലൂക്ക് സപ്ലൈ ഓഫീസിന് കീഴിൽ 8 വീതവും, കോതമംഗലം താലൂക്ക് സപ്ലൈ ഓഫീസിന് കീഴിൽ 7 വീതവും, മൂവാറ്റുപുഴ താലൂക്ക് സപ്ലൈ ഓഫീസിന് കീഴിൽ 13 വീതവും റേഷൻ കടകൾ തുടങ്ങുന്നതിനാണ് വിജ്ഞാപനം പുറപ്പെടുവിച്ചിരിക്കുന്നത്. അപേക്ഷാഫോറം ജില്ലാ സപ്ലൈ ഓഫീസിലും താലൂക്ക് സപ്ലൈ / സിറ്റി റേഷനിങ്ങ് ഓഫീസിലും, സിവിൽ സപ്ലൈസ് വകുപ്പിന്റെ ഔദ്യോഗിക വെബ്സൈറ്റിലും(civilsupplieskerala.gov.in) ലഭ്യമാണ്.ഫോൺ :0484 2422251,2423358,9188527321.
