വാഴ്സ: യുക്രൈന് സംഘര്ഷത്തിന്റെ പശ്ചാത്തലത്തില് റഷ്യയുമായി ഫുട്ബോള് ലോകകപ്പ് 2022 ന്റെ പ്ലേ ഓഫ് മത്സരം കളിക്കാനില്ലെന്നു പോളണ്ട് പ്രഖ്യാപിച്ചു. മാര്ച്ച് 24 നു മോസ്കോയിലാണു മത്സരം നടക്കേണ്ടത്. റഷ്യയുടെ യുക്രൈന് അധിനിവേശത്തില് പ്രതിഷേധിച്ചാണു നടപടിയെന്നു പോളിഷ് ഫുട്ബോള് ഫെഡറേഷന് വ്യക്തമാക്കി. റഷ്യന് അധിനിവേശത്തിനിടെ അവരുമായി ഫുട്ബോള് കളിക്കുന്നതു ശരിയല്ലെന്നു ഫെഡറേഷന് അധ്യക്ഷന് സെസാറി കുലെസ് പറഞ്ഞു. സ്വീഡിഷ്, ചെക്ക് ഫെഡറേഷനുകളുമായി സംസാരിച്ചതായും കുലെസ് പറഞ്ഞു. സ്വീഡനും ചെക്ക് റിപ്ലബിക്കും തമ്മില് നടക്കുന്ന മത്സരത്തിലെ ജേതാക്കള് റഷ്യ-പോളണ്ട് മത്സരത്തിലെ ജേതാക്കളെ നേരിടണം.
റിപ്പോര്ട്ട്
ന്യൂസ് ഡെസ്ക്
