സ്ത്രീധനപ്രശ്നങ്ങളുമായി ബന്ധപ്പെട്ട കാര്യങ്ങള് അന്വേഷിക്കുന്നതിനുള്ള സ്റ്റേറ്റ് നോഡല് ഓഫീസര്കൂടിയായ പത്തനംതിട്ട ജില്ലാ പൊലീസ് മേധാവി ആര് നിശാന്തിനിയെ ഇന്ന് മൊബൈല് ഫോണില് വിളിച്ച് പരാതി നല്കിയത് 108 പേരാണ്. ഗാര്ഹികപീഡനം, സ്ത്രീധനവുമായി ബന്ധപ്പെട്ട പരാതികള് എന്നിവ അറിയിക്കുന്നതിന് പൊലീസ് ആരംഭിച്ച അപരാജിത എന്ന സംവിധാനത്തില് ഇ-മെയില് വഴി ഇന്ന് 76 പരാതികള് ലഭിച്ചു. ഈ പദ്ധതിയുടെ മൊബൈല് നമ്പറില് വിളിച്ച് പരാതിപ്പെട്ടത് 28 പേരാണ്. ഇന്ന് വൈകിട്ട് ഏഴുമണിവരെയുള്ള കണക്കാണ് ഇതുവരെ ലഭിച്ചിട്ടുള്ളത്.
പ്രശ്നങ്ങള് അറിയിക്കാനായി 9497999955 എന്ന സ്റ്റേറ്റ് നോഡല് ഓഫീസറുടെ മൊബൈല് നമ്പറിലാണ് വിളിക്കേണ്ടത്. ഗാര്ഹികപീഡനവും സ്ത്രീധനവുമായി ബന്ധപ്പെട്ട പരാതികള് aparajitha.pol@kerala.gov.in എന്ന വിലാസത്തിലാണ് അയയ്ക്കേണ്ടത്. ഫോണ് 9497996992.
