ചെന്നൈ: സൈക്കിളില് പോളിംഗ് ബൂത്തിലെത്തി വോട്ട് ചെയ്ത് തമിഴ് താരം വിജയ്. 03/04/21ചൊവ്വാഴ്ച രാവിലെ ചെന്നൈ നിലാംഗറയിലെ പോളിംഗ് ബൂത്തിലെത്തിയാണ് വിജയ് വോട്ട് രേഖപ്പെടുത്തിയത്.
പെട്രോള് – ഡീസല് വിലവര്ധനവിലുള്ള പ്രതിഷേധവും അണ്ണാഡി.എം.കെ – ബി.ജെ.പി സഖ്യത്തിലുള്ള ഭരണത്തിനെതിരെയുമുള്ള പ്രതിഷേധവുമാണ് സൈക്കിളിലെത്തി വിജയ് വോട്ട് ചെയ്യാന് കാരണമെന്ന് ട്വിറ്റര് അടക്കമുള്ള സോഷ്യല് മീഡിയയില് നിരവധി പേർ അഭിപ്രായപ്പെട്ടു.
രാവിലെ തന്നെ നിരവധി സിനിമാ താരങ്ങള് തമിഴ്നാട്ടില് വോട്ട് രേഖപ്പെടുത്തിയിരുന്നു. അജിത്, രജനീകാന്ത്, സൂര്യ, കമല്ഹാസന്, ശിവകാര്ത്തികേയന് എന്നിവര് അതിരാവിലെ വന്ന് വോട്ട് രേഖപ്പെടുത്തി.
അയ്യര്വിലക്കു നിയോജകമണ്ഡലത്തിലെ സ്റ്റെല്ല മേരീസ് കോളേജിലെ പോളിംഗ് ബൂത്തിലാണ് നടന് രജനീകാന്ത് വോട്ട് രേഖപ്പെടുത്തിയത്. ചെന്നൈയിലെ അല്വാര്പേട്ടില് മക്കള് നീതി മയ്യം നേതാവ് കമല് ഹാസനും മക്കളായ ശ്രുതിഹാസനും അക്ഷരഹസനും വോട്ട് രേഖപ്പെടുത്തി.
