തിരുവനന്തപുരം: സംസ്ഥാനത്ത് സ്റ്റാര്ട്ട്അപ്പുകളെ പ്രോത്സാഹിപ്പിക്കുന്നതിന് ആറ് ഇന പദ്ധതികള് പ്രഖ്യാപിച്ച് ധനമന്ത്രി ഡോ. ടി.എം. തോമസ് ഐസക്ക്. സംസ്ഥാന സര്ക്കാര് വകുപ്പുകളില് സ്റ്റാര്ട്ട്അപ്പ് ഇന്നൊവേഷന് സോണുകള് ആരംഭിക്കും. വകുപ്പുമായി ബന്ധപ്പെട്ട വികസന പ്രശ്നങ്ങള് പരിഹരിക്കുന്നതിന് സ്റ്റാര്ട്ട്അപ്പുകളെ ബോധപൂര്വം ബന്ധപ്പെടുത്തുന്ന പരിപാടിയാണിതെന്നും മന്ത്രി പറഞ്ഞു.
ഇന്നൊവേഷന് പ്രോത്സാഹന സ്കീമുകളിലൂടെ രൂപംകൊള്ളുന്ന ഉത്പന്നങ്ങളെ വാണിജ്യ അടിസ്ഥാനത്തില് സംരംഭങ്ങളാക്കി മാറ്റുന്നതിന് സ്റ്റാര്ട്ട്അപ്പുകളെ പ്രോത്സാഹിപ്പിക്കും. ഐടിയില് മാത്രമല്ല മറ്റ് മേഖലകളിലും സ്റ്റാര്ട്ട്അപ്പുകളെ പ്രോത്സാഹിപ്പിക്കുമെന്നും ധനമന്ത്രി പറഞ്ഞു.
