കൊച്ചി: പാലാരിവട്ടം പാലം അഴിമതി കേസില് മുന്മന്ത്രി വി.കെ. ഇബ്രാഹിംകുഞ്ഞിന്റെ ജാമ്യാപേക്ഷയില് ഹൈക്കോടതി വെളളിയാഴ്ച(11/12/2020)യും വാദം കേള്ക്കും. കഴിഞ്ഞ തവണ ഹര്ജി പരിഗണിച്ചപ്പോള് വിശദമായ സത്യവാങ്മൂലം സമര്പ്പിക്കാന് സര്ക്കാരിന് ഹൈക്കോടതി നിര്ദ്ദേശം നല്കിയിരുന്നു.
ഇബ്രാഹിംകുഞ്ഞിനെ വീണ്ടും ചോദ്യം ചെയ്യണമെന്ന നിലപാടിലാണ് സംസ്ഥാന സര്ക്കാര്. എന്നാല് ജാമ്യഹര്ജി വേഗം പരിഗണിക്കണമെന്നും ആശുപത്രിയില് നിന്നും കസ്റ്റഡിയില് എടുക്കുമെന്ന ആശങ്കയുണ്ടെന്നും ഇബ്രാഹിം കുഞ്ഞ് ചൂണ്ടിക്കാട്ടിയിരുന്നു.
കുറ്റപത്രം സമര്പ്പിച്ച് ഒന്പത് മാസത്തിനു ശേഷമുള്ള അറസ്റ്റ് രാഷ്ട്രീയ പ്രേരിതമാണെന്നും അന്വേഷണവുമായി സഹകരിക്കുന്നുണ്ടെന്നും ഹര്ജിയില് പറയുന്നു. നേരത്തെ മൂവാറ്റുപുഴ വിജിലന്സ് കോടതി ജാമ്യാപേക്ഷ തള്ളിയതിനെ തുടര്ന്നാണ് ഇബ്രാഹിം കുഞ്ഞ് ഹൈക്കോടതിയെ സമീപിച്ചത്
