മൈസൂരു ഫെബ്രുവരി 21: മൈസൂരു ഹുന്സൂരില് കേരളത്തിലേക്കുള്ള സ്വകാര്യ ബസ് മറിഞ്ഞ് നിരവധി പേര്ക്ക് പരിക്കേറ്റു. ഒരാളുടെ നില ഗുരുതരമാണ്. ബാംഗ്ലൂരില് നിന്ന് പെരിന്തല്മണ്ണയിലേക്ക് പോകുകയായിരുന്ന കല്ലട ബസാണ് പുലര്ച്ചെ നാല് മണിയോടെ അപകടത്തില്പ്പെട്ടത്.
ബസ് പോസ്റ്റില് ഇടിച്ച് മറിഞ്ഞതാണെന്നാണ് വിവരം. അപകടത്തില് 20 ഓളം പേര്ക്ക് പരിക്കേറ്റു. പരിക്കേറ്റവരെ ആശുപത്രിയില് പ്രവേശിപ്പിച്ചിരിക്കുകയാണ്. ബസ് ഡ്രൈവറുടെ അശ്രദ്ധയാണ് അപകടകാരണമെന്നാണ് വിവരം.
