ബെയ്ജിങ് ജനുവരി 23: ചൈനയിലെ വുഹാന് നഗരത്തില് റിപ്പോര്ട്ട് ചെയ്ത കൊറോണ വൈറസ് വിവിധ രാജ്യങ്ങളിലേക്ക് പടര്ന്നുപിടിക്കുന്ന സാഹചര്യത്തില് ആഗോള ആരോഗ്യ അടിയന്തരാവസ്ഥ പ്രഖ്യാപിച്ചേക്കും. വ്യാഴാഴ്ച ചേരുന്ന ലോകാരോഗ്യ സംഘടനയുടെ അടിയന്തരസമിതി യോഗത്തിലാണ് ഇതുസംബന്ധിച്ച് അന്തിമ തീരുമാനം പ്രഖ്യാപിക്കുക.
കൊറോണ വൈറസ് ബാധയില് ഇതുവരെ 17 പേരാണ് ചൈനയില് മരണപ്പെട്ടത്. മരണസംഖ്യ ഉയരുന്ന സാഹചര്യത്തില് രോഗത്തിന്റെ പ്രഭവ കേന്ദ്രമായ ചൈനയിലെ വുഹാന് നഗരത്തിലെ പൊതുഗതാഗതവും വിമാന, ട്രെയിന് സര്വ്വീസുകളും നിര്ത്തിവച്ചിരിക്കുകയാണ്. ഇവിടെയുള്ള ജനങ്ങളോട് നഗരം വിട്ട് പുറത്ത് പോകരുതെന്ന നിര്ദ്ദേശവും അധികൃതര് നല്കിയിട്ടുണ്ട്. ഇതുവരെ ചൈനയില് 470 പേര്ക്ക് വൈറസ് ബാധ സ്ഥിരീകരിച്ചിട്ടുണ്ട്.
നേരത്തെ ലോകാരോഗ്യ സംഘടന ആഗോള ആരോഗ്യ അടിയന്തരാവസ്ഥ പ്രഖ്യാപിച്ചിട്ടുള്ളത് അഞ്ചുതവണ മാത്രമാണ്. എബോള പടര്ന്നപ്പോള് രണ്ടുതവണയും, പന്നിപ്പനി, പോളിയോ, സികാ വൈറസ് എന്നീ രോഗങ്ങള് പടര്ന്ന സാഹചര്യത്തില് ഒരോ തവണയുമാണ് ആഗോള ആരോഗ്യ അടിന്തരാവസ്ഥ പ്രഖ്യാപിച്ചിട്ടുള്ളത്.
