കൊച്ചി ഡിസംബര് 31: നടിയെ ആക്രമിച്ച കേസില് പ്രതി പട്ടികയില് നിന്ന് ഒഴിവാക്കണമെന്ന് ആവശ്യപ്പെട്ട് നടന് ദിലീപ് വിടുതല് ഹര്ജി നല്കി. കൊച്ചിയിലെ വിചാരണ കോടതിയിലാണ് ഹര്ജി നല്കിയിരിക്കുന്നത്. കേസിലെ വിചാരണ നടപടികളുടെ ഭാഗമായാണ് ദിലീപ് ഹര്ജി നല്കിയിരിക്കുന്നത്. വിചാരണയുടെ പ്രാരംഭ നടപടികളാണ് ഇപ്പോള് കോടതിയില് നടക്കുന്നത്.
കേസുമായി ബന്ധപ്പെട്ട ഡിജിറ്റല് തെളിവുകള് ദിലീപ് കോടതിയിലെത്തി അഭിഭാഷകനൊപ്പം പരിശോധിച്ചിരുന്നു. ഇതിന്റെ കൂടി അടിസ്ഥാനത്തിലാണ് വിടുതല് ഹര്ജി സമര്പ്പിച്ചിരിക്കുന്നത്. ഹര്ജിയിലെ വിശദാംശങ്ങള് പുറത്ത് പോവരുതെന്ന് കോടതി ആവശ്യപ്പെട്ടിട്ടുണ്ട്.
