തിരുവനന്തപുരം: കിറ്റ് വിവാദത്തില് പ്രതിപക്ഷത്തിനെതിരെ രൂക്ഷമായ ഭാഷയിൽ പ്രതികരിച്ച് മുഖ്യമന്ത്രി പിണറായി വിജയന്. കിറ്റ് വിതരണത്തില് തെരഞ്ഞെടുപ്പ് കമ്മീഷനെ തെറ്റിദ്ധരിപ്പിക്കാന് ശ്രമം നടക്കുന്നുണ്ടെന്ന് മുഖ്യമന്ത്രി 28/03/21 ഞായറാഴ്ച പറഞ്ഞു.
ജനങ്ങള്ക്ക് കിറ്റു നല്കുന്നത് സര്ക്കാരിന്റെ മേന്മയല്ല, കടമയാണ്. തെരഞ്ഞെടുപ്പ് കമ്മിഷനു തെറ്റായ പരാതി നല്കി അന്നം മുടക്കാന് പ്രതിപക്ഷ നേതാവ് ശ്രമിക്കുകയാണ്. പ്രതിപക്ഷം പ്രതികാര പക്ഷമാകരുതെന്നും മുഖ്യമന്ത്രി വിമര്ശിച്ചു.
മെയ് മാസത്തെ പെന്ഷന് മുന്കൂട്ടി നല്കുന്നുവെന്ന ആരോപണം ഉയര്ത്തുന്നതുവഴി തെരഞ്ഞെടുപ്പ് കമ്മീഷനെ തെറ്റിദ്ധരിപ്പിക്കാനും അതുവഴി സാമൂഹിക സുരക്ഷാ പെന്ഷന് വിതരണം തടസപ്പെടുത്താനുമാണ് ശ്രമിച്ചത്. വിശേഷാവസരങ്ങളില് ജനങ്ങള്ക്ക് ഗുണപ്രദമാകാന് നേരത്തെ തന്നെ ഭക്ഷ്യകിറ്റ് വിതരണം ചെയ്യുന്ന രീതിയാണ് സര്ക്കാര് സ്വീകരിച്ചിട്ടുള്ളതെന്നും മുഖ്യമന്ത്രി പറഞ്ഞു.
