ചെന്നൈ: അന്തരിച്ച ഗായകന് എസ്.പി.ബാലസുബ്രഹ്മണ്യത്തിന്റെ പേരില് മൈസൂരു സര്വകലാശാലയില് സ്റ്റഡി ചെയര്. ഇതിനായി 5 ലക്ഷം രൂപ നീക്കിവച്ചതായും വിസിറ്റിങ് ഫാക്കല്റ്റിയാകാന് സംഗീത സംവിധായകന് ഹംസലേഖ സമ്മതിച്ചതായും അധികൃതര് അറിയിച്ചു.
സപ്തംബര് 25നാണ് എസ്.പി.ബാലസുബ്രഹ്മണ്യം അന്തരിച്ചത്.സിനിമാ പിന്നണി ഗായകന്, നടന്,സംഗീത സംവിധായകന്, സിനിമാ നിര്മ്മാതാവ്, ഡബ്ബിങ് ആര്ട്ടിസ്റ്റ് എന്നിങ്ങനെ നിരവധി രംഗങ്ങളില് തിളങ്ങിയ വ്യക്തിയാണ് എസ്പിബി. പാട്ടുകളുടെ റെക്കോഡ് പെരുമഴയാണ് എസ്പിബിയുടെ പേരില്. 16 ഭാഷകളിലായി നാല്പ്പതിനായിരത്തില്പ്പരം ഗാനങ്ങള് ആലപിച്ചു. 1946 ജൂണ് 4-ന് ആന്ധ്രാപ്രദേശിലെ നെല്ലൂരിലാണ് ശ്രീപതി പണ്ഡിതരാധ്യുല ബാലസുബ്രഹ്മണ്യം ജനിച്ചത്. ചെറുപ്പകാലത്ത് നിരവധി സംഗീതമത്സരങ്ങളില് മികച്ച ഗായകനായി. സിനിമാ പിന്നണി ഗാനരംഗത്തേക്കുളള അരങ്ങേറ്റം 1966-ല് ശ്രീ ശ്രീ ശ്രീ മര്യാദ രാമണ്ണ എന്ന തെലുങ്ക് ചിത്രത്തിലൂടെയായിരുന്നു.
