എവിയാൻ, 2026 ജൂൺ 18

ഫ്രാൻസിലെ എവിയാനിൽ നടന്ന ജി ഏഴ് ഉച്ചകോടിക്കിടെയാണ് പ്രധാനമന്ത്രി നരേന്ദ്ര മോദിയും ജർമ്മനിയുടെ ചാൻസലർ ഫ്രെഡറിക് മെർസും കൂടിക്കാഴ്ച നടത്തിയത്. ഈ വർഷം ഇരുനേതാക്കളും തമ്മിലുള്ള രണ്ടാമത്തെ കൂടിക്കാഴ്ചയാണിത്. ഇന്ത്യ-ജർമ്മനി തന്ത്രപ്രധാന പങ്കാളിത്തത്തിലെ പുരോഗതിയും ഇരുരാജ്യങ്ങളും തമ്മിലുള്ള ബന്ധങ്ങളുടെ നിലവിലെ സാഹചര്യവും യോഗത്തിൽ വിലയിരുത്തി.

ഇന്ത്യയിലേക്കുള്ള ജർമ്മൻ ചാൻസലറുടെ വിജയകരമായ സന്ദർശനവും ഇന്ത്യ-യൂറോപ്യൻ യൂണിയൻ സ്വതന്ത്ര വ്യാപാര കരാർ ചർച്ചകളുടെ സമാപനവും ബന്ധങ്ങൾക്ക് പുതിയ ഊർജം നൽകിയതായി നേതാക്കൾ അഭിപ്രായപ്പെട്ടു. വ്യാപാരം, നിക്ഷേപം, പ്രതിരോധം, സുരക്ഷ, ഹരിത വികസനം, സാങ്കേതികവിദ്യ, നവീകരണം, വിദ്യാഭ്യാസം, ജനങ്ങളുടെ സഞ്ചാരം തുടങ്ങിയ മേഖലകളിൽ സഹകരണം കൂടുതൽ ശക്തമാക്കാനുള്ള പ്രതിബദ്ധത ഇരുവരും ആവർത്തിച്ചു. പ്രതിരോധ വ്യവസായ സഹകരണ മാർഗരേഖയുടെ ഒപ്പുവെപ്പിനെയും ജർമ്മനി വഴി യാത്ര ചെയ്യുന്ന ഇന്ത്യൻ പൗരന്മാർക്കുള്ള ട്രാൻസിറ്റ് വിസ ഇളവിന്റെ നടപ്പാക്കലിനെയും നേതാക്കൾ സ്വാഗതം ചെയ്തു.

ഇന്ത്യയും ജർമ്മനിയും നയതന്ത്ര ബന്ധത്തിന്റെ എഴുപത്തിയഞ്ചാം വാർഷികം ആഘോഷിക്കുന്ന പശ്ചാത്തലത്തിലാണ് ഈ കൂടിക്കാഴ്ച നടന്നത്. പശ്ചിമേഷ്യയിലെ സാഹചര്യം, റഷ്യ-ഉക്രൈൻ സംഘർഷം തുടങ്ങിയ പ്രാദേശികവും ആഗോളവുമായ വിഷയങ്ങളും ചർച്ചയായി. പശ്ചിമേഷ്യയിലെ സംഘർഷം അവസാനിപ്പിക്കാൻ ഉണ്ടായ ധാരണയെയും നേതാക്കൾ സ്വാഗതം ചെയ്തു. ഈ വർഷം അവസാനം ജർമ്മനിയിൽ നടക്കാനിരിക്കുന്ന എട്ടാമത് ഇന്ത്യ-ജർമ്മനി അന്തർസർക്കാർ കൂടിയാലോചനയിൽ പങ്കെടുക്കാൻ ചാൻസലർ മെർസ് പ്രധാനമന്ത്രിയെ ക്ഷണിക്കുകയും ചെയ്തു.