ന്യൂഡൽഹി / 2026 / സെപ്റ്റംബർ 28
പട്ടികജാതി വിഭാഗങ്ങളുടെ സാമൂഹിക, സാമ്പത്തിക, വിദ്യാഭ്യാസ മുന്നേറ്റം ലക്ഷ്യമിടുന്ന പ്രധാനമന്ത്രി അനുസൂചിത് ജാതി അഭ്യുദയ യോജനയായ പി.എം-അജയ് പദ്ധതിയിൽ രാജ്യത്താകെ 47,243 ഗ്രാമങ്ങൾ ഉൾപ്പെടുത്തി. 2026 സെപ്റ്റംബർ 8 വരെയുള്ള കണക്കുപ്രകാരം ഇതിൽ 18,093 ഗ്രാമങ്ങളെ ‘ആദർശ് ഗ്രാമങ്ങളായി’ പ്രഖ്യാപിച്ചു. 47.79 ലക്ഷത്തിലധികം ആളുകൾക്ക് പദ്ധതിയുടെ വിവിധ ഇടപെടലുകളുടെ പ്രയോജനം ലഭിച്ചിട്ടുണ്ട്. ഗ്രാമങ്ങളിലെ അടിസ്ഥാന സൗകര്യവും അവശ്യ സേവനങ്ങളും മെച്ചപ്പെടുത്തി വികസനത്തിലെ വിടവ് കുറയ്ക്കുകയാണ് പ്രധാന ലക്ഷ്യം.
തൊഴിൽ, വരുമാനം, വിദ്യാഭ്യാസം ഒരേ പദ്ധതിയിൽ
2021-22 സാമ്പത്തിക വർഷത്തിലാണ് നൂറുശതമാനം കേന്ദ്രസഹായത്തോടെ പി.എം-അജയ് ആരംഭിച്ചത്. സാമൂഹ്യനീതി, ശാക്തീകരണ മന്ത്രാലയമാണ് പദ്ധതി നടപ്പാക്കുന്നത്. പട്ടികജാതി കുടുംബങ്ങളുടെ ദാരിദ്ര്യം കുറയ്ക്കാൻ തൊഴിൽ അവസരങ്ങളും നൈപുണ്യ വികസനവും വരുമാന പദ്ധതികളും ഒരുക്കുന്നു. പട്ടികജാതി ഭൂരിപക്ഷ മേഖലകളിൽ അടിസ്ഥാന സൗകര്യം മെച്ചപ്പെടുത്തുന്നതിനൊപ്പം സ്കൂൾ, ഉന്നതവിദ്യാഭ്യാസ പ്രവേശനം വർധിപ്പിക്കാനും താമസസൗകര്യങ്ങൾ ഒരുക്കാനും പദ്ധതി ലക്ഷ്യമിടുന്നു.
46,944 വികസന പ്രവൃത്തികൾ പൂർത്തിയായി
ആദർശ് ഗ്രാമ ഘടകത്തിൽ 46,944 വികസന പ്രവൃത്തികൾ പൂർത്തിയാക്കിയിട്ടുണ്ട്. 27,032 ഗ്രാമ വികസന പദ്ധതികളും തയ്യാറാക്കി. ജനങ്ങളുടെ അടിസ്ഥാന ആവശ്യങ്ങൾ നിറവേറ്റുകയും റോഡ്, കുടിവെള്ളം, വിദ്യാഭ്യാസം, മറ്റു പൊതുസേവനങ്ങൾ എന്നിവയിലെ കുറവുകൾ പരിഹരിക്കുകയും ചെയ്യുന്ന ഗ്രാമങ്ങളെയാണ് ആദർശ് ഗ്രാമങ്ങളായി വികസിപ്പിക്കുന്നത്. അടിസ്ഥാന സൗകര്യ വികസന സഹായത്തിന് പട്ടികജാതി ജനസംഖ്യ 40 ശതമാനമോ അതിലധികമോ ഉള്ളതും ആകെ ജനസംഖ്യ കുറഞ്ഞത് 500 ആയതുമായ ഗ്രാമങ്ങളാണ് അർഹരാകുന്നത്.
സംസ്ഥാനങ്ങൾക്ക് 1,730 കോടി രൂപയിലധികം
2021-22 മുതൽ 2025-26 വരെ ഗ്രാന്റ് സഹായ ഘടകത്തിൽ സംസ്ഥാനങ്ങൾക്ക് 1,730 കോടി രൂപയിലധികം കേന്ദ്രം അനുവദിച്ചു. നൈപുണ്യ വികസനം, ഉപജീവന പദ്ധതികൾ, അടിസ്ഥാന സൗകര്യം, വിദ്യാഭ്യാസ സൗകര്യങ്ങൾ എന്നിവയ്ക്കാണ് തുക ഉപയോഗിക്കുന്നത്. രണ്ടര ലക്ഷത്തിലധികം വ്യക്തികൾക്കും സംഘങ്ങൾക്കും നൈപുണ്യ, ഉപജീവന സഹായം ലഭിച്ചു. ഈ ഘടകത്തിൽ വാർഷിക വരുമാനം രണ്ടര ലക്ഷം രൂപയിൽ കവിയാത്ത കുടുംബങ്ങൾക്കും വ്യക്തികൾക്കും മുൻഗണന നൽകുന്നു.
785 വിദ്യാർത്ഥി ഹോസ്റ്റലുകൾ പൂർത്തിയായി
പട്ടികജാതി വിദ്യാർത്ഥികളുടെ വിദ്യാഭ്യാസം പ്രോത്സാഹിപ്പിക്കാൻ രാജ്യത്ത് 785 ഹോസ്റ്റലുകളുടെ നിർമാണം പൂർത്തിയാക്കി. 2026-27 സാമ്പത്തിക വർഷത്തിൽ ഒരു പെൺകുട്ടികളുടെ ഹോസ്റ്റലും ഒരു ആൺകുട്ടികളുടെ ഹോസ്റ്റലും ഉൾപ്പെടെ രണ്ട് പദ്ധതികൾക്കായി 61.46 കോടി രൂപ കേന്ദ്രസഹായമായി അനുവദിച്ചിട്ടുണ്ട്. ഇവയിലൂടെ 264 വിദ്യാർത്ഥികൾക്ക് താമസസൗകര്യം ലഭിക്കും. പദ്ധതി നടപ്പാക്കൽ വേഗത്തിലാക്കാനും മേൽനോട്ടം ശക്തമാക്കാനും പി.എം-അജയ് മൊബൈൽ ആപ്പും പോർട്ടലും ആരംഭിച്ചിട്ടുണ്ട്.
Disclaimer: The information published on Samadarsi.com is provided for general news, informational, educational, and public awareness purposes only. While every reasonable effort is made to ensure the accuracy, reliability, and timeliness of the content, Samadarsi Communication LLP does not guarantee that all published information is free from errors, omissions, or inaccuracies. The views and opinions expressed in opinion articles, guest columns, interviews, and reader comments are solely those of the respective authors and do not necessarily reflect the views of Samadarsi Communication LLP. Readers are encouraged to independently verify any information before making financial, legal, medical, political, or personal decisions based on the content published on this website. Samadarsi.com reserves the right to update, modify, correct, or remove any content at any time without prior notice. Any links to external websites are provided solely for the convenience of users, and we do not endorse or accept responsibility for the content, security, accuracy, or privacy practices of such third-party websites. All trademarks, logos, images, and other copyrighted materials appearing on this website remain the property of their respective owners.
