ന്യൂഡല്ഹി | മല്ലികാര്ജുന് ഖര്ഗെയും രാഹുല് ഗാന്ധിയും തമ്മിലുള്ള നിര്ണായക യോഗം പൂര്ത്തിയായി. മുഖ്യമന്ത്രി പ്രഖ്യാപനം മെയ് 14 വ്യാഴാഴ്ച ഉണ്ടാകുമെന്ന് എഐസിസി മാധ്യമവിഭാഗം ജനറല് സെക്രട്ടറിജയറാം രമേശ് പറഞ്ഞു ..മുഖ്യമന്ത്രിയെ തിരഞ്ഞെടുക്കണ്ടതിന്റെ നടപടിക്രമങ്ങള് എല്ലാം പൂര്ത്തിയായെന്നും അദ്ദേഹം മാധ്യമങ്ങളോട് പറഞ്ഞു.
മല്ലികാര്ജുന് ഖാര്ഗെയുമായി രാഹുല് ഗാന്ധി ചര്ച്ച നടത്തിയിരുന്നു.
മുഖ്യമന്ത്രി വിഷയത്തില് കോണ്ഗ്രസ് അധ്യക്ഷന് മല്ലികാര്ജുന് ഖാര്ഗെയുമായി രാഹുല് ഗാന്ധി ചര്ച്ച നടത്തിയിരുന്നു. ഖാര്ഗെയുടെ വസതിയില് വച്ചാണ് ഇരുവരും കൂടിക്കാഴ്ച നടത്തിയത്. ഇതിന് പിന്നാലെ ജയറാം രമേശും ഇവിടെ എത്തി. 13ന് പ്രഖ്യാപനമുണ്ടായേക്കുമെന്ന പ്രതീക്ഷയില് വി ഡി സതീശന്, കെ സി വേണുഗോപാല്, രമേശ് ചെന്നിത്തല എന്നിവരുടെ വസതികളില് നൂറു കണക്കിന് പ്രവര്ത്തകർ തടിച്ചുകൂടിയിരുന്നു. ഇതിനിടെയാണ് മുഖ്യമന്ത്രിയെ അറിയാന് ഒരു ദിവസം കൂടി കാക്കേണ്ടി വരുമെന്ന് വാര്ത്തയെത്തുന്നത്
