കല്പറ്റ | വയനാട് ജില്ലയില് റെഡ് അലര്ട്ട് പ്രഖ്യാപിച്ചതിന് പിന്നാലെ വിനോദ സഞ്ചാര കേന്ദ്രങ്ങളില് നിയന്ത്രണം ഏര്പ്പെടുത്തി. എടക്കല് ഗുഹയിലേക്കുള്ള സഞ്ചാരികളുടെ പ്രവേശനം നിരോധിച്ചു. കുറുവ, കാന്തന്പാറ, പൂക്കോട്, കര്ളാട് കേന്ദ്രങ്ങളിലെ ബോട്ടിങ് നിര്ത്തിവെച്ചു. പാര്ക്കുകള് തുറന്നു പ്രവര്ത്തിക്കുമെങ്കിലും ജില്ലയിലെ എല്ലാ സാഹസിക വിനോദങ്ങളും ജലവിനോദങ്ങളും കര്ശനമായി നിരോധിച്ചതായി ജില്ല ടൂറിസം പ്രൊമോഷന് കൗണ്സില് സെക്രട്ടറി അറിയിച്ചു.
സുരക്ഷിതമല്ലാത്ത വിനോദസഞ്ചാര കേന്ദ്രങ്ങള് പ്രവര്ത്തിക്കുന്നുണ്ടെങ്കില് അത്തരം കേന്ദ്രങ്ങള്ക്കെതിരെ തദ്ദേശസ്വയം ഭരണ സ്ഥാപനങ്ങള് കര്ശന നടപടി സ്വീകരിക്കണമെന്ന് ജില്ല കലക്ടര് ഡി ആര് മേഘശ്രീ അറിയിച്ചു. മഴക്കാല മുന്നൊരുക്ക പ്രവര്ത്തനങ്ങള് അവലോകനം ചെയ്യാന് ചേര്ന്ന യോഗത്തില് സംസാരിക്കുകയായിരുന്നു കലക്ടര് .
