നെടുമങ്ങാട്, 2026 ജൂൺ 24 –

പ്രധാനമന്ത്രി നരേന്ദ്ര മോദിക്കെതിരെ കൃത്രിമമായി നിർമ്മിച്ച വീഡിയോ സാമൂഹിക മാധ്യമങ്ങളിലൂടെ പ്രചരിപ്പിച്ചെന്നാരോപിച്ച് ഒരാൾക്കെതിരെ ബിജെപി പരാതി നൽകി. നെടുമങ്ങാട് മണ്ഡലം കമ്മിറ്റിയുടെ നേതൃത്വത്തിൽ നെടുമങ്ങാട് ഡിവൈഎസ്പിക്കാണ് പരാതി സമർപ്പിച്ചത്.

കായ്പാടി സ്വദേശിയായ അൻസാരി എന്നയാളാണ് വീഡിയോ നിർമ്മിച്ച് പ്രചരിപ്പിച്ചതെന്നാണ് പരാതിയിൽ ആരോപിക്കുന്നത്. പ്രധാനമന്ത്രിയെ മോശമായ രീതിയിൽ ചിത്രീകരിക്കുന്ന ഉള്ളടക്കമാണ് വീഡിയോയിലുള്ളതെന്നും ബിജെപി പരാതിയിൽ പറയുന്നു.

വീഡിയോ പ്രധാനമന്ത്രിയെ പിന്തുണയ്ക്കുന്നവർക്കും രാജ്യത്തിനും അവഹേളനവും മാനസിക വേദനയും സൃഷ്ടിക്കുന്നതാണെന്നാണ് പരാതിയിലെ ആരോപണം. സംഭവത്തിൽ ബന്ധപ്പെട്ട വ്യക്തിക്കെതിരെ അടിയന്തര നിയമനടപടികൾ സ്വീകരിക്കണമെന്നും ബിജെപി ആവശ്യപ്പെട്ടിട്ടുണ്ട്..