കോട്ടയം: കാഞ്ഞിരപ്പള്ളി മണ്ഡലത്തിലെ യുഡിഎഫ് സ്ഥാനാർഥി റോണി കെ. ബേബിയുടെ പ്രചാരണം സിപിഎം പ്രവർത്തകർ തടസപ്പെടുത്താൻ ശ്രമിച്ചെന്ന് പരാതി. 2026 ഏപ്രിൽ 5 ഞായറാഴ്ച രാത്രി കോയിപ്പള്ളി ജംഗ്ഷനിൽ നടന്ന പര്യടന സമാപന യോഗത്തിനിടെയാണ് സംഭവം. സ്ഥാനാർത്ഥി പ്രസംഗിച്ചുകൊണ്ടിരിക്കെ സിപിഎമ്മിന്റെ കൊടികളുമായി എത്തിയ ഒരു സംഘം ആളുകൾ പ്രചാരണ യോഗത്തിലേക്ക് ഇടിച്ചുകയറാൻ ശ്രമിക്കുകയായിരുന്നു.
സിപിഎം പ്രവർത്തകർ മണ്ഡലത്തിലൂടനീളം അക്രമം അഴിച്ചുവിടാൻ ശ്രമിക്കുകയാണെന്ന് സ്ഥാനാർത്ഥി
തുടർന്ന് യുഡിഎഫ് പ്രവർത്തകർ ഇവരെ തടഞ്ഞതോടെ സ്ഥാനാർഥിക്ക് മുന്നിൽ നിന്ന് പ്രകോപനപരമായ മുദ്രാവാക്യങ്ങൾ മുഴക്കി.സംഭവത്തിൽ യുഡിഎഫ് നേതാക്കൾ കാഞ്ഞിരപ്പള്ളി പോലീസിൽ പരാതി നൽകി. പരാജയ ഭീതിയെ തുടർന്ന് സിപിഎം പ്രവർത്തകർ മണ്ഡലത്തിലൂടനീളം അക്രമം അഴിച്ചുവിടാൻ ശ്രമിക്കുകയാണെന്ന് സ്ഥാനാർഥി റോണി കെ. ബേബി പറഞ്ഞു.
Tags : police case disrupt campaign Kanjirappally


