കോഴിക്കോട്: പേരാമ്പ്രയിലെ 17-കാരിയെ കൂട്ടബലാത്സംഗംചെയ്ത കേസില് നാലുപേര് അറസ്റ്റില്. വടകര പതിയാരക്കര കുളങ്ങര അഭിഷേക്(19), കയണ്ണ ചോലക്കര മീത്തല് മിഥുന് ദാസ് (19), വേളം പെരുമ്പാട്ട് മീത്തല് സി കെ ആദര്ശ് (22) എന്നിവരും ഒരു 17 വയസ്സുകാരനും ആണ് അറസ്റ്റിലായത്. അഭിഷേക് മൂന്നാംതവണയാണ് പോക്സോ കേസില് പ്രതിയാകുന്നത്.
മൂന്നുപേരെ പയ്യോളി കോടതിയില് ഹാജരാക്കി റിമാന്ഡ് ചെയ്തു, ഒരാളെ ജുവനൈല് ഹോമിലേക്ക് വിട്ടു.
പ്രതികളില് ഒരാളായ അഭിഷേകാണ് ഇന്സ്റ്റഗ്രാമിലൂടെ സൗഹൃദം മുതലെടുത്ത് പെൺകുട്ടിയെ കായണ്ണയുള്ള വീട്ടില് എത്തിച്ചത്. ഈവര്ഷം ഏപ്രില് മാസത്തിലാണ് അഭിഷേകമായി യുവതി ഇന്സ്റ്റഗ്രാം വഴി പരിചയപ്പെട്ടത്. മിഥുന് ദാസിന്റെ കായണ്ണയിലെ വീട്ടില്വെച്ചാണ് പീഡനം നടന്നതെന്നാണ് പരാതി.പ്രതികളില് മൂന്നുപേരെ പയ്യോളി കോടതിയില് ഹാജരാക്കി റിമാന്ഡ് ചെയ്തു ഒരാള്ക്ക് പ്രായപൂര്ത്തിയാകാത്തതിനാല് കോഴിക്കോട് ജുവനൈല് ജസ്റ്റിസ് ബോര്ഡിനു മുമ്പാകെ ഹാജരാക്കി ജുവനൈല് ഹോമിലേക്ക് വിട്ടു
