കോട്ടയം: ഏറ്റുമാനൂരില് മീനച്ചിലാറ്റില് ചാടി ജീവനൊടുക്കിയ അഭിഭാഷക ജിസ്മോള് തോമസ്(34) ഉം മക്കളും ഏപ്രിൽ 15 ചൊവ്വാഴ്ച രാവിലെയും ആത്മഹത്യാശ്രമം നടത്തിയിരുന്നതായി പോലീസ്. വീട്ടില്വെച്ച് കൈത്തണ്ട മുറിച്ചും മക്കള്ക്ക് വിഷം നല്കിയും ജീവനൊടുക്കാന് ശ്രമിച്ചിരുന്നു. ശ്രമം പരാജയപ്പെട്ടതോടെ ചൊവ്വാഴ്ച ഉച്ചയോടെ പള്ളിക്കുന്ന് കടവിലെത്തി മക്കളുമായി മീനച്ചിലാറ്റില് ചാടി ജീവനൊടുക്കിയതെന്നും പോലീസ് പറഞ്ഞു. ചൊവ്വാഴ്ച രാവിലെ വീട്ടുജോലിക്കാരിയെ പറഞ്ഞയച്ച ശേഷമായിരുന്നു സംഭവം.
ചൊവ്വാഴ്ച ഉച്ചയ്ക്ക് രണ്ടുമണിയോടെയായിരുന്നു സംഭവം.
ഏറ്റുമാനൂര് നീറിക്കാട് തൊണ്ണന്മാവുങ്കല് ജിമ്മിയുടെ ഭാര്യയായ ജിസ്മോള് തോമസ്, മക്കളായ നോഹ(5), നോറ(2) എന്നിവരാണ് മീനച്ചിലാറ്റില് ചാടി മരിച്ചത്. ചൊവ്വാഴ്ച ഉച്ചയ്ക്ക് രണ്ടുമണിയോടെയായിരുന്നു സംഭവം. പുഴയില് ചൂണ്ടയിടാനെത്തിയവരാണ് ഒഴുകിയെത്തുന്നനിലയില് ഇവരുടെ മൃതദേഹങ്ങള് കണ്ടത്. തുടര്ന്ന് ഏറെനേരത്തെ പരിശ്രമത്തിനൊടുവില് കരയ്ക്കെത്തിച്ചെങ്കിലും മരണം സംഭവിച്ചിരുന്നു.
ഇവരുടെ സ്കൂട്ടര് റോഡരികില് നിര്ത്തിയിട്ടനിലയില് കണ്ടെത്തിയിരുന്നു
