മട്ടാഞ്ചേരി: കരുവേലിപ്പടി സർക്കാർ ആശുപത്രിയില് അക്രമണം നടത്തിയ കേസില് രണ്ടുപേർ തോപ്പുംപടി പൊലീസിന്റെ പിടിയിലായി. എസ്.എഫ്.ഐ പ്രവർത്തകരായ മുഹമ്മദ് ജാബിർ(23), എം.ബി. ബിബിൻ (25)എന്നിവരെയാണ് അറസ്റ്റുചെയ്തത്. 2024 ഒക്ടോബർ 22 ചൊവ്വാഴ്ച ആണ് എസ്.എഫ്.ഐ, -കെ.എസ്.യു.സംഘർഷം ഉണ്ടായത്.
ആശുപത്രിയില് രോഗികള്ക്കുനേരെ ബഹളം വയ്ക്കുകയും വാതില് തകർത്ത് ഗ്ളാസും ഫ്രെയിമും തകർക്കുകയും ചെയ്തെന്ന ആശുപത്രി അധികൃതരുടെ പരാതിയിലാണ് നടപടി. കണ്ടാലറിയാവുന്ന ഇരുപതോളം പേർക്കെതിരെ നേരത്തേ കേസെടുത്തിരുന്നു
